Li Londra, Norweç û Qanadayê gelek Kurdistanî û dostên wan ji bo piştgiriya Rêveberiya Xweser a Bakur Rojhilatê Sûriyê daketin qadan û piştgiriya xwe anîn ziman.
Piştgiriya gelê Kurd û dostên wan li seranserî cîhanê berdewam dike. Li Ingilîstan, Qadana û Swîsreyê bi armanca piştgiriya Rojava û şermezarkirina çeteyên HTŞ û DAIŞê yên girêdayî Tirkiyê meş li darxistin û daxuyanî dan. Li Londrayê li dijî êrîşên li ser Rojava, Kurdistanî li herêma bakur a Ponders Endê kom bûn. Di çalakiya ku bi hezaran Kurdistanî beşdar bûbûn de êrişên çeteyan hatin şermezarkirin. Di çalakiyê de sloganên, “Bijî Berxwedana Rojava”, “Bijî Rojava” û “Bijî Kurdistan” hatin berzkirin. Ligel posterên Rêberê Gelê Kurd Abdullah Ocalan al û rengên Kurdistanî hatin vekirin. Li ser navê girseya li pişt pankarta, “Defend Rojava-Rojava biparêze” kombû, axaftin hatin kirin. Di axaftinan de hate gotin ku gelê Kurd êdî li hember çeteyên cîhadî û hevkarên wan bêdeng namîne.
Berxwedana Rojava berxwedana mirovahiyê ye
Berxwedana Rojava wekî berxwedana mirovahiyê hate destnîşankirin û ev peyam hatin dayîn: “Rojava berxwe dide, mirovahî berxwe dide, azadî berxwe dide. Îro pişta xwe li Rojava zivirîn, wê were wateya xiyanetê li nirxên azadî, demokrasî û wekheviya mirovahiyê. Çeteyên terorîst ên cîhadî êrîşî dilê Kurdistanê dikin. Û careke din Rojava ji bo mirovahiyê berxwe dide. Em jî ji bo Rojava ber xwe bidin û em ê Rojava û Kurdistanê azad bikin.” Piştî axaftinan, gel bi dirûşmeyan re ber bi herêma Waltham Cross ve meşiya. Di dema meşê de stran hatin gotin û gel bi diruşmeyên, “Bijî Berxwedana Rojava” kolanan dagirtin. Dema ku gel ji herêma Enfield a ku Kurdistanî pir lê dijîn derbas dibû, piştgiriya gel bi çepiklêdan û tilîliyên xurt bala herkesî kişand. Çalakî li Albany Park’ê bi dawî bû û gel bi çepiklêdan, dirûşme û tilîliyan re belav bû.
Helwesta çapemeniya kûrevî hate şermezarkirin
Li bajarê Toronto yê Kanadayê jî berdewam dikin. Li gorî bangewaziya saziyên Kurdan ên hevpar, di vê çalakiyê de bêdengiya medyaya Qanadayê ya li hember êrîşên li Rojava bi tundî hate protestokirin.
Girseya li ber avahiya navendî ya saziya weşanê ya Qanadayê CBCê kom bûn û saziyên medyayê yên ku qirkirina li Rojava nabînin şermezar kirin. Çalakvanan bi diruşmeyên, “Bêdengiya çapemeniyê hevpariya sûc e” û “Li Rojava qirkirin heye, bêdeng nemîne” bang li raya giştî ya Qanadayê kirin. Gelek kes bi tîşortên ku li ser wan, “Rojava rizgar bike” nivîsî bû, beşdarî çalakiyê bûn û peyamên piştgiriyê dan.
Dosya radestî çapemeniyê hat kirin
Piştî çalakiyê komek çalakvan ketin hundirê avahiya CBC’yê û dosyeyên ku li ser êrîşên li Rojava amade kiribûn radestî berpirsiyarên saziyê kirin. Çalakvanan gotin ku CBC divê rastiyên li Rojava bigihîne raya giştî û bêdengiya medyayê êrîşên dewleta Tirk teşwîq dike. Di dosyeyê de agahiyên li ser bombebarana sivîlan li Rojava, hedefgirtina binesaziyê û rewşa mirovî ya herêmê hebûn. Çalakvanan ji berpirsiyarên CBC re ev peyam şandin: “Ev bêdengî, hevpariya qirkirina li Rojava ye. Berxwedana Kurdan bibînin û li hemberî wê bêdeng nemînin.”
Li Osloyê gel bênavber têdikoşe
Li paytexta Norwêcê Osloyê çalakiyên piştgiriya Rojava berdewam kirin. Çalekven şev roj nabêje di çalekiyê dene. Roja 29ê Çileya 2026an derengê şevê li ber Stasyona Trenê ya Navendî ya Osloyê Kurdistanî û dostên wan li hev civiyan. Di çalekiya şeve de êrîşên HTŞ, DAIŞ û piştgiriya dewleta Tirk a ji bo van komên çete ya li dijî Rojavayê Kurdistanê protesto kirin. Di çalakiyê de helwesta berxwedana gelê Kurd li hemû Kurdistanê hate silavkirin û diruşmeyên “Bîjî berxwedana Rojava”, “Bîjî berxwedana Kobanê”, “Gelê Kurd yek e”, “Jin, jiyan, azadî” û “Bîjî berxwedana gelê Kurd” berz kirin.
