Namzetê Serokwezîrtiya Iraqê Nûrî Malikî diyar kir ku namzetiya xwe paşve nakişîne û destnîşan kir ku Tirkiye, Qeter û Sûriye destwerdanê li karûbarê hundirê Iraqê dikin.
Serokê Hevpeymana Dewlet Yasa û namzetê Şiayan ji bo Serokwezîrtiya Iraqê Nûrî Malikî têkildarî berendamtiya xwe û pêşketinên li Iraqê ji çapemeniyê re axivî. Malikî bal kişand ser gotinên Serokê Amerîka Donald Trump ên li ser namzetiya wî û wiha got: “Hinek welatan agahiyên nerast gihandinê, hinek dewlet aramiyê ji dest didin. Dîsa tê gotin ku peyama Trump ji nava Iraqê hatiye nivîsîn. Min gotiye, bila têkilî bi Amerîka re hebe, lê li gorî destûrê.”
‘Destwerdanê li karên Iraqê dikin’
Malikî li ser destwerdanên li ser xaka Iraqê jî ev tişt gotin: “Giliyê min li hinek welatan heye. Wan dest bi karûbarên hundirîn ên Iraqê destwerdan kirine û Trump li dijî me rakirine.” Malîkî bi gotina, “Çima Tirkiye, Qeter û Sûriye destwerdanê li karûbarên Iaraqê yên dikin?” rexne li polîtîkayên cîranên Iraqê kir û xwest ku dest ji polîtîkayan bê berdan.
‘Encam ji civîna bi PDK û YNKê derneket’
Têkildarî hevdîtinên xwe yên bi partiyên Kurdan re jî Nûrî Malikî anî ziman ku caran hilbijartinên serokkomartiyê hilbijartinê hikûmeta avakirina Herêma Kurdistanê tên tev li hevkirin û wiha domand: “Hilbijartina serokkomarê Iraqê cuda û avakirina hikûmeta Herêma Kurdistanê cuda ye. Ev tên tev li hevkirin. PDK û YNK herdu jî hevpeymanên me ne. Em naxwazin bikevin navbera wan. Ji bo wê dixwazin ew bi xwe li ser namzetekî yek deng bin. Ti encam ji civîna li Hewlêr û Silêmanî ya Çarçoveya Hemahengî derneketiye.”
