Li ser hevdîtina entegrasyona leşkerî ya di navbera şandeyên leşkerî yên Rêveberiya Xweser û Hikumeta Demkî de HSDê hêzên xwe li bejahiya Kantona Cizîrê ji nûve bicih kir. Komên çete yên bi ser Tirkiyeyê ve jî li Kobaniyê paşve kişandinê red dikin.
Şandeyên leşkerî yên Rêveberiya Xweser û Hikumeta Demkî îro bi rojeva entegrasyona leşkerî li Hesekê hatin cem hev. Şefê Operasyonên Artêşê Hamza El Hamîdî û Fermandarê HSDê di hevdîtinê de rêbazên entegrasyonê û ji nûve bicihkirina HSDê hate nîqaşkirin. Piştî hevdîtinan li gorî Peymana 30yê Çile hêzên HSDê dest pê kir ku cardin li çoltera Hesekê bi cih bibe.
HSDê dest bi cihbûna sînorên Hesekê kir
Wekî gavek pêkanîna peymanê HSDê di seatên êvarê de dest pê kir ku li ser sînorên parêzgeha HSKê ji nû ve cih bibe. Hêzên leşkerî û çekên giran ji nava bajaran ber bi baregehên nû yên li ser sînorên Hesekê ku xeta di navbera heremên Kurd û Ereban de ye, derket rê. Tê payîn ku ji nûve cihbûna HSDê çend hefteyan berdewam bike.
