Sergey Lavrov, diyar kir ku eger êrişeke nû ya Amerîkayê li dijî Îranê pêk bê dê li heremê encamên giran derxe. Lavrov ji bo rageşî û neçareseriya nukleerê çareser be jî banga berdewama sebir û dîplomasî kir.
Di 18ê Sibatê de encama hevdîtinên Wezîrê Karên Derve yê Rûsyayê Sergey Lavrov, bi raya giştî re hat parvekirin. Lavrov, Amerîka ji bo êrişeke nû ya bi ser Îranê de pêk neye û Îranê jî ji bernameya nukleerî re riyeke çareseriyê peyda bike hişyar kir.
Hevpeyvîna Sergey Lavrov a bi televîzyona Erebîstana Siûdî Al-Erebiyeyê re kir rojek piştî civîna ne rasterast di navbera Amerîka û Îranê de li Cenevreyê çêbû hat weşandin. Lavrov diyar kir ku encam ne baş e û got: “Tesîsên nukleerî yên Îranê hatin bombekirin û li gor şîroveyên me rîsk heye ku bûyereke nukleerî biqewime.”
Sergey Lavrov destnîşan dike ku li heremê kesek naxwaze rageşî zêde bibe û got: “Min helwestên Erebîstana Siûdî û Manarşiyên Kendavê şopand, ew jî naxwazin rageşiyeke rû bide û rûdaneke wisan wek lîstika bi agir re pênase dikin.”
Wezîrê Karên Derve yê Rûsyayê Lavrov dibêje, heke li heremê rûdaneke xeter rû bide di serî de geşedanên erênî yên di salên dawî de li heremê li pêş ketine dê berovajî bin.
