Gerînendetiya Giştî ya Kargêriya Av û Kanalîzasyonê ya Amedê (AVKAMED) ya Şaredariya Bajarê Mezin a Amedê ruknê Tesîsa Parzûna Ava Vexwarinê a Asta Duyemin danî.
Rêveberiya Giştî ya AVKAMEDê ya Şaredariya Bajarê Mezin a Amedê, merasîma danîna ruknê Projeya Qonaxa 2yemîn a Tesîsa Paqijkirina Ava Vexwarinê ya Navendî ya Talaytepeyê pêk anî. AVKAMED armanc dike hilberîna ava bajêr du qat zêde bike û heta 50 salan pirsgirêka avê çênebe.
Ev proje li taxa Talaytepe ya navçeya Peyasê pêk hatiye û dê bi nêzîkî 919 mîlyon û 421 hezar lîreyê were avakirin. Dema ku ev proje biqede, armanc dike ku pêdiviyên Amedê yên ava vexwarinê heta salên 2070yî were dabînkirin. Projeyê bi têkiliya ÎLBANKê re, bi alîkarîya JICA û ADB tê finanskirin.
‘Em rûpeleke nû di rêveberiya avê de vedikin’
Midûrê Giştî yê AVKAMEDê Mehmet Şerîfoglû di merasîma vekirinê de axivî û diyar kir ku wan li Amedê rûpeleke nû di rêveberiya avê de vekiriye û got: “Me her tim hewl da ku em bigihîjin giştîyekê. Ev yek ji parçeyên herî girîng ên vê giştîyê ye. Wek berdewamiyeke vê parçeyê, em dixwazin mizgîniya xeta sereke ya veguhastinê ya ku hûn li ser rê dibînin jî bidin. Du sal in xebateke bi lez heye. Em her carê parçeyekê temam dikin.”
Proje dê pêdiviya 50 salan dabîn bike
Şerîfoglû anî ziman ku ew ê ava vexwarinê bigihînin standardên Rêxistina Tenduristiyê ya Cîhanê (DSO) û got: “Em dixwazin spasiya Bankeya Parêzgehan (Îller Bankası) û hemû piştgirên vê xebatê bikin. Em ê ji bo vê veberhênanê ti xerc nedin, wekî hîbe (beşeke alîkariyê) tê, ji ber vê yekê em gelek kêfxweş in. Di heman demê de, em di hundirê vê qadê de perçeyek ji rêveberiya ava zîrek jî ava dikin; em ê diyar bikin ka em avê digihînin ku derê û çawa. Em çi
ji destê me tê dikin ku Amed 50 salan kêşeya avê nejî. Sala bê em ê hemû veberhênanên xwe li deverên gundewarî û navçeyan bikin.”
