DEM Partî, têkildarî banga “Aştî û Civaka Demokratîk” a Rêberê Gelê Kurd Abdullah Ocalan civînên gel li Şirnexê didomîne. Di çerçoveya civînan de li navçeya Silopiyayê civîna gel hat lidarxistin.
Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) têkildarî banga “Aştî û Civaka Demokratîk” a Rêberê Gelê Kurd Abdullah Ocalan civînên gel didomîne. Partiyan di çeroveya civînên gel de li navçeya Silopiyayê ya Şirnexê civîna gel li dar xist. Civîna gel li eywana Navenda Ziman, Çand û Hunerê ya Eyşe Şanê hat lidarxistin. Parlamenterê DEM Partî yê Şirnexê Mehmet Zekî Îrmez, endam û rêveberên her du partiyan û saziyên sivîl û gelek kes tev li civînê bûn. Civîn ji bo kesên di têkoşîna azadî û demokrasiyê de jiyana xwe ji dest dane bi deqîqeyeke rêzgirtinê dest pê kir.
Di civînê de li ser banga dîrokî ya Rêberê Gelê Kurd Abdullah Ocalan nirxandin hatin kirin û li ser pêvajoyê li nêrînên gel hat guhdarîkirin. Gel jî li ser pêvajoyê pirsên xwe kirin û nêrînên xwe anîn ziman. Paşê civînê ji çapemeniyê re girtî berdewam kir.
