Amed – Endamê Meclisa Ciwanan ya HDKê Jiyan Bahadir têkildarî pêvajoyê û peyama Rêberê Gelê Kurd ji bo rêxistbûyînê diyar kir ku gotinên dewletê tenê di gotinan de dimînê, ciwan ji bo înşakirina aştiyê bixebite.
Endamê Meclisa Ciwanan a Kongreya Demokratîk a Gelan (HDK) Jiyan Bahadir derheqê pêvajoya ji aliyê Rêberê Gelê Kurd Abdullah Ocalna ve hatiye destpêkirin, ji Ajansa Welat (AW) re axivî.
‘Pirsgirêka Kurd tevahiya desthilatdaran kevintir e’
Jiyan Bahadir diyar kir ku tevî ev demeke bi ser eşkerekirina biryara kongreya PKKê re derbas bûn jî lê dewlet hê jî tu gav neavêtiye û got: “Devlet Bahçelî ji bo pevajoyê carnan tiştan dibêje, ev tişttên bi wate ne. Lê tenê di gotinan de dimîne. Tû pratîk ji aliyê dewletê ve hê çênebûye. Tu kes nikare pirsgirekên Kurdan ji bo bibe desthilatdar û ji bo berjewemendiyên xwe yê rojane bikar bîne. Ev pirsgirek ji tevahiya desthilatdaran kevintir e. Ji bo çareseriyê jî pêdivî bi piştgiriya her partiyên siyasî heye.”
‘Divê azadiya fizîkî pêk were’
Jiyan Bahadir destnîşan kir ku PKKê di kongreya xwe de biryar da ku pêkanîna biryarên kongreye bi girêdayî azadiya fîzîkî ya Abdullah Ocalan e û wiha got: “Lê hê jî di vî warî de tu pêşketinêk çênebûye. Ji bo girtiyên nexweş jî tu pêşketinek çênebûye. Ji bo rakirina qeyûman tu xebat tune ye. Di van serdeman de tu gav nehatiye avêtin. Bi van nêzîkatiyan çaresêrî zor e. Tirkiye demokratîkbûna xwe li ser bingeha azadiya gelê Kurd ava neke dê pirsgirêkên mezintir derkevin pêşiya Tirkiyeyê. Tişta rast ew e ku dewlet azadiya gelê Kurd bipejirîne û demokratîkbûna xwe pêk bîne. Divê her kes jî ji bo azadiya Kurdan û demokratîkbûna Tirkiyeyê bixebite. Ev xebat jî dawiya şer dê bîne. Ji xwe banga ‘Aştî û Civaka Demokratîk’ rawestindina hemû senaryoyan e.”
‘Armanca ciwanan pêşxistina legerîna heqîqetê ye’
Jiyan Bahadir da zanîn ku pêyama Rêberê Gelê Kurd Abdullah Ocalan ji bo rêxistbûyînê gelek girîng bû û axaftina xwe wiha domand: “Divê em siyaseta xwe civakî bikin. Divê em jiyana xwe ya polîtîk û jiyana xwe ya taybet cuda nebînin. Desthilatî li dijî ciwnan polîtîkayên taybet xistiye dewrê û nahêle ciwan di her qadan de li pêş bikevin. Armanca me birêxistinkirin û pêşvebirina ciwanan e. Ji ber vê yekê me di Zanîngeha Teknîk ya Rojhilata Navîn (ODTU) de saziyek Kurdî ava kir. Xebatên me di zanîngehên din de jî hene. Em dixwazin ciwan li vir xwe rêxistin bikin û ji bo zimanê Kurdî bixebitin. Armanca ciwanan pêşxistina lêgerîna heqîqetê ye. Ciwan dixwazin xwe ji desthilatê rizgar bikin. Piştî banga birêz Abdullah Ocalan ji bo rêxistinbûyînê me awa û terza xebatên xwe guherandin.”
‘Li dijî ciwanan şer hat destpêkirin’
Jiyan Bahadîr anî ziman ku gelek kêmasî derikevin pêşiya ciwanan û ciwan û xwendekar di warê aborî de nikarin debara xwe bikin û got: “Bûrsên xwendekaran têra wan nake ji bo vê neçarin ku bixebitin. Pirsgirekên aborî û siyasî derûniya ciwanan xera kiriye. Di nav ciwanan de tiryak gelek tê bikaranîn. Ev yek ji destpêkirina şerê tabet a li dijî ciwanan e. Tê xwestin ku ciwan peywîrên xwe yên siyasî pêk neynin. Deshilatî jî vê tiştê dixwaze. Piştî pêvajoya 2013 û 2015an xera bû dewletê di her warî de li dijî ciwanan şerê taybet û şerek dijwar meşand. Di van deh salan de ji ber polîtîkayên şerê taybet, nefreta li dijî Kurdan û şoreşgeran zêde bû.”
‘Ciwan dikarin aştiya civakî ava bikin’
Jiyan Bahadir bi bîr xist ku îro di nav ciwanên Kurdan de jî hê ev pêvajo baş nehatiye femkirin û axaftina xwe wiha bi dawî kir: “Tê gotin tenê dewlet aştiyê dixwaze. Lê divê werê femkirin ku ev pêvajo ji AKP û MHP jî mezintir e. Dewlet fêm kir ku êdî bî înkarkirina Kurdan û bi polîtîkayên bişaftinê bi ser nakeve. Armanca ciwanên HDKê jî avakirina aştiyêk civakî ye. Em li her qadê li ser aştî û azadiyê diaxivin. Ciwan hêza niha û siberojê ne. Civakbûn û înşakirina aştiyê wekî înşakirina jiyanekî azad e, di vî warî de jî rola ciwanan rola peşengtiyê ye. Lê divê ev baş were famkirin ku aştî du alî ye. Divê ciwan di nava xebatan de bin. Pêywira ciwanan avakirina aştiyek civakî ye.”
