Dayikên Şemiyê di hefteya 1103yemîn de li aqûbeta Kasim Alpsoy û kujerê Halîl Alpsoy ên ku beriya 32 salan hatibûn binçavkirin, pirsîn.
Dayikên Şemiyê ango Mirovên Şemiyê bi daxwaza “Bila winda werin dîtin, kujer bên darizandin” di hefteya 1103yemîn de li Qada Galatasarayê çalakiya xwe ya heftane li dar xist. Dayikên Şemiyê, endam û rêveberên ÎHDa Stenbolê û gelek parêzvanên mafên mirovan tev li çalakiyê bûn. Di çalakiyê de wêneyên windayan û Dayikên Şemiyê ku jiyana xwe ji dest dane hatin hilgirtin. Di hefteya 1103yemîn de li aqûbeta Kasim Alpsoy hate pirsîn û hate xwestin ku Halîl Alpsoy werin darizandin.
Her du cangorî beriya 32 salan hatibûn binçavkirin û windakirin. Halîl Alpsoy hate hate dîtin lê tu xeber ji Kasim Alpsoy nehat wergirtin.
Daxuyanî ji aliyê Endama Komîsyona Windayan a ÎHDa Stenbolê Zeynep Yildiz ve hate xwendin.
Serpêhatiya du pismaman
Zeynep Yildiz pirsa çi bi Kasim û Halîl Alpsoy ku beriya 32 salan hatibûn binçavkirin û windakirin hat û got: “Em bang li Serokatiya Daîreya Lêkolîne ya Faîlên Nediyar ya di bin sîwana Wezareta Dadê hatiye avakirin de dikin û dibêjin; ‘bûyerên ku nehatine cezakirin jî binpêkirina mafê mirovan in’. Îro em li aqûbeta Kasim Alpsoy û Halîl Alpsoy ku berî 32 salan hatibûn binçavkirin dipirsin. Halîl Alpsoy di 12ê Gulanê 1994an de bi hevjin û zaroka xwe ya 40 rojî dema ku li Stenbolê vedigeriya mala xwe, ji aliyê polîsan ve hate binçavkirin. Hevjina Halîl li dijî polîsan sekinî lê polîsan got, ‘Wê 30 deqîqeyên din vegere malê’. Lê Halîl êdî venegeriya malê. Piştî 18 rojan berdena Halîl Alpsoy ku bi îşkence lê hatibû kirin, li Kirikaleyê daristaneke hate dîtin. Piştî hefteyeke pismamê Halîl, Kasim Alpsoy jî li Edenê hate binçavkirin. Kasim Alpsoy di 18ê Gulana 1994an de hate binçavkirin, heman rojê hate berdan. Lê polîsan dest danî ser nasnameya Kasim û gotin ‘sibe were nasnameya xwe rake’. Paşê Kasim bi xizmekî xwe re çû avahiya MÎTê, lê Kasim ji avahiyê derneket. Heta îro jî aqûbeta Kasim Alpsoy nehat eşkerekirin. Çend sal derbas dibin bila bibe em ê li aqûbeta kesên winda bipirsin.”
Çalakî bi danîna qerenfîlên li Qada Galatasarayê bi dawî bû.
