Endamê Şandeya Îmraliyê Sirri Sureyya Onder duh bi şev krîza dil derbas kir. Emeliyateke dijwar derbas kir û hat zanîn ku dilê wî lê daye.
Endamê Şandeya DEM Partiyê ya Îmraliyê û Serokwekîlê Meclisê Sirri Sureyya Onder duh bi şev krîza dil derbas kir. Saet di 23.00an de li Nexweşxaneya Florence Nightingale ya li Stenbolê ew hildan emeliyatê. Hat zanîn ku damarê aortê yê Onder qetiyaye û ji ber vê dixtoran ew hildane emeliyatê. Hat zanîn ku emeliyat hê jî didome û rewşa wî ya giran jî dewam dike. Her çiqas dilê wî lê bide jî lê rîtma dil bi qasî asta tê xwestin nîn e.
Hat zanîn ku wê Onder, piştî emeliyatê hildin venêrîna awarte û dê tedawiya wî li vir bidome.
Serokkomar Tayyîp Erdogan bi rêya telefonê li endama Şandeya Îmraliyê ya DEM Partiyê Pervîn Buldanê geriya û li rewşa Sirri Sureyya Onder pirsî. Erdogan ji Pervîn Buldanê re gotiye: “Meraq nekin çi hewce bike dê bê kirin. Em ji nêz ve rewşa wî dişopînin.”
