Cenazeyê endamê HPGê Tunç piştî 8 salan radestî malbata wî hat kirin û bi dirûşmeya, ‘Şehîd namirin’ li Cizîrê hate definkirin.
Endamê HPGê Ferhat Tunç (Xebat Goyî) ku 2017an li herêma Çiyayê Pîro ya navçeya Berwarî ya Sêrtê jiyana xwe ji dest dabû, poştî 8 salan cezaneyê wî li Mêrdînê radestî malbatê hat kirin. Piştî ku malbatê cenaze wergirt ber bi Cizîrê ve bi rê ket.
Dema cenazeyê Tunç gehişt Cizîrê, girseya di nav de Parlementerên DEM Partiyê Newroz Ûysal Aslan û Mehmet Zekî Îrmez jî heyîn malbat û cenazeyê Tunç li ber deriyê Goristana Esrî ya li taxa Sûrê bi dirûşma, ‘Şehîd namirin’ û tilîliyan pêşwazî kir.
Polîsên ku goristan dorpêç kiribûn destûr neda bi awayek girseyî têkevin goristanê lê girseyê guh neda û heya cihê gorê meşiyan û dirûşşme berz kir.
Piştî girse gihîşt ser gorê cenazeyê Tunç bi çepik, dirûşme ê tilîliyan hat definkirin. Piştî definkirinê dayika Tunç, Narinç Tunç got ku ew li hember dijmin ji bo kurê xwe rondikan narêje.
Piştî xwendina duayan girse bi çekpikan ji goristanê derket.
Dema birayê Tunç, Servet Tunç bi wêneyê birayê xwe xwest were nava goristanê ji aliyên polîsan hat binçavkirin. Hate hînbûn ku Servet Tunç birine Miduriyeta Polîsan a Cizîrê.
