Endama Tevgera Jinên Kurd li Ewropa û endama KNKê pedegog Şoreş Elî Mayî diyar kir ku ew dixwaze bi Rêberê Gelê Kurd Abdulla Ocalan re hevdîtinê bike û got: “Ez jî dixwazim bi rêber û rêzanê gelê xwe re hevdîtinê û dîdarekê saz bikim.”
Endama Tevgera Jinên Kurd li Ewropa û endama KNKê pedegog Şoreş Elî Mayî diyar kir ku ew dixwaze bi Rêberê Gelê Kurd Abdullah Ocalan re hevdîtinê pêk bîne. Şoreş Elî Mayî anî ziman ku dixwaze silavekê ji Çiyayê Matîna, ji Gara, ji gundê Mayê û ji Berwariya Behdîna bi xwe re bibe û got: “Ez dixwazim slavên gundê xwe bi xwe re bibim û spasiya we bikim. Spas ku we em şiyar kirin. Em anîn jiyanê. Spas ji bo ku we rê ji me re vekir. Bi taybetî rê liber jinên Kurd vekir ku xwe baştir nas bikin.
Xewin û xeyalên me azadî bûn. Azadiya welêt, azadiya civakê, azadiya malbatê û di çarçoveya vê azadiyê de, azadî û serxwebûna jinan armanca me bû.”
‘Azadiya welat bi azadiya jinan ve girêdayî ye’
Şoreş Elî Mayî da zanîn ku ew welatparêz bûn û wiha got: “Em welatparêzîn, xebatkar û şoreşvan bûn. Di malbatek û li ber destên dayik û babek Kurdistanî û şoreşgêr perwerde bûn. Lê em wekî jin di vê têkoşîna dijwar de winda bûn û me xwe ji bîr kiribû. Me got ku dema welat azad bibe em jî azad dibin. Lê te ji mere got, nivîsand û em hejandin û rakirin ser lingan. Te îdeolojî û felsefeyek din nîşanî me da. Te got: ‘Azadiya jinan ne bi azadiya welêt ve girêdayî ye. Lê berevajî vê. Azadiya welêt bi azadiya jinan ve girêdayî ye. Lewma hûn jin divê di vê rêya têkoşînê de vê çendê esadê bigirin.’ Piştî lêkolîneke dirêj li ser van gotinan û vê felsefeyê, me rêya xwe dît, me xwe nas kir û têkoşîna xwe bi awayekî cuda dest pê kir. Em ji bo azadiya xwe, azadiya civak û malbata xwe û azadiya welatê xwe têdikoşin.”
