Civînên gel ên li ser nirxandina pêvajoyê, her şev li tax û gundên bajarên Amed, Mêrdîn, Riha, Şirnex, Wan, Îdir, Erzirom û gelek bajarên din didome. Gel di civînan de eleqeyek mezin nîşanî sînevîsyona merasima Koma Aştî û Civaka Demokratîk û banga Rêberê Gelê Kurd Abdullah Oclana dide.
Di pêşengiya TJA, DBP û DEM Partiyê de li ser pêvajoyê li gundê qertê ya girêdayî navçeya Artuklû ya Mêrdînê civîna gel hat li darxistin. Welatiyan eleqeyek pir mezin nîşanî civînê da. Ji 7 salî heya 70 sali her kes beşdarî civînê bûn. Di civînê de zêdebûna jinan bal kişand ser xwe. Li gel vê gundên der û dor jî tevli civînê bûn. Civîn bi rêzgirtinê destpêkir û sinevîzyon hate temaşekirin. Pişt re pêvajoya aştî û avakirina civaka demokratîk bi gel re hate parvekirin û nîqaşkirin. Gel jî daxwaz û fikarên xwe yên li ser pêvajoyê anîn ziman. Civîn bi durûşmeyan bi davî bû.
