Girtî Ahmet Temîz ê 30 sal 9 mehan girtî maye, ji girtîgeha Tekîrdagê, di 17ê Îlonê de hat berdan. Ahmet Temîz ê îro bi balefirê hatiye Amedê ji hêla MED TUHAD-FEDê, Dayikên Aştiyê, rêveberiya DEM Partiyê ya navçeya Xana Axparê û malbata xwe ve hat pêşwazîkirin.
Ahmet Temîz di sala 1994an de li Amedê hatibu girtin, piştî 30 sal û 9 mehan girtî maye ji Girtîgeha Tekîrdagê hat berdan. Ahmet Temîz ê doh ji girtîgehê derketiye îro bi balefirê hat Amedê. Girseyê Ahmet Temîz bi kulîlk, tîlîlî û bi dirûşmên “Bijî Serok Apo”, “Bijî Berxwdana Zindanan” pêşvazî kir.
Ahmet Temîz li ber deriyê têketina balafirgehê axaftineke kurt kir û wiha got: “Rêberê me û gelek hevalên me hêj di dizindanan de ne. Bi sekna we û tekoşîna we em ê têbikoşin û serbikevin.” Ahmet Temîz piştî axaftina xwe bi malbata xwe re derbasî mala xwe ya li navçeya Xana Axparê bû.
Derbarê Ahmet Temîz de
Ahmet Temîz di sala 1994an de li Amedê hat girtin û bi dorê di girtîgehên Amed, Amasya, Enqere û Tekîrdagê de hat ragirtin. Ahmet Temîz di 17ê Kanûna 2024an de cezayê xwe temam kir lê belê Lijneya Îdarî û Çavdêriyê ya Girtîgehê cezayê Ahmet Temîz 9 mehan taloq kiribû.
