Hêzên girêdayî Hikûmeta Veguhêz a Sûriyeyê êrîşî gelê ku li dijî dorpêçkirina taxên Şêxmeqsûd û Eşrefiyê çalakî li dar dixstin, kirin. Di êrîşê de herî kêm 15 kes birîndar bûn û tê gotin ku kuştî jî hene.
Hikûmeta Veguhêz a Sûriyeyê hemû rêyên ku taxên Şêxmeqsûd û Eşrefiyê bi taxên din ên Helebê ve girêdidin girtin û çekên giran li derdorê bi cih kirin. Gel li dijî dorpêçê derketin qadan û bi berzkirina dirûşmeyan meşiyan.
Hêzên girêdayî Hikûmeta Veguhêz a Sûriyeyê bi çekên lûledirêj gule li ser kesên ku ji bo protestokirina êrîşan derketibûn kolanan barandin. Hêzên leşkerî guleyên rastîn û tankan êrîş kirin û hat ragihandin ku di encama êrîşê de şehîd û birîndar hene; 15 birîndar jî rakirine nexweşxaneyê.
Piştî ku hêzên Hikûmeta Veguhêz a Sûriyeyê êrîşî gelê taxên Şêxmeqsûd û Eşrefiyê kirin, Hêzên Ewlekariya Hundirîn ên Taxên Şêxmeqsûd û Eşrefiyê ji bo parastina sivîlan bersiv dan êrîşan.
Her wiha hate hînbûn ku Hêzên Sûriya Demokratîk ji Dêrazorê heta Helebê seferberî ragihandin.
