Jin li Baxçeyê Bajêr ê Komuna Jinan, a Şaredarîya Erxenîyê li Taxa Çiyayê Makamê ji bo pêşxistina ked û hevgirtina jinan daye avakirin, şitlên ji tovên herêmî çêbûne, danîn.
Şaredariya Erxeniyê li Çiyayê Makamê ji bo pêşxistina ked û hevgirtina jinan Baxçeyê Bajêr ê Komuna Jinan ava kir. Li qada ku ji 14 doniman pêk tê, gelek cureyên tovên herêmî hatin çandin. Bi tevlibûna hevşaredar û gelek jinan, şitlên hatine amadekirin hatin danîn.
‘Herî kêm dê 10 jin jê sûdê bigrin’
Li qada ku ji 14 donim erdê pêk tê, deh donim nîsk çar donimê mayî jî wek baxçeyê komînê hat amadekirin. Ji bo avdanê, ji ava baranê sûd hat girtin û li dora qada baxçeyê komînê jî darên fêkîyan hatin danîn. Ji bo hevgirtinê xurt bikin ji taxên cuda jî jin beşdarî projeyê bûn. Projeya Baxçeyê Bajêr ê Komunan ê Jinan, ku ji alîyê Rêveberîya Xizmetên Jin û Malbatê ya şaredariyê tê birêvebirin. Tê payîn ku dê li baxçeyê komînê nebatên aromatîk, firingî, îsot û sebzeyên cûrbicûr werin hilberîn. Armanca projeyê ew e ku herî kêm 10 jin jê ji xebatên ku tên kirin sûdê bigirin.
