Rejîma Îranê Kampa Sûrdaş ya ku welatiyên Rojhilatê Kurdistanê lê dijîn, bi moşekan bombebaran kir.
Careke din tevî agirbestê jî rejîma Îranê Kampa Sûrdaş ya ser bi sînorê Parêzgeha Silêmaniyê bi mûşekan bombebaran kir.
Hate ragihandin ku êriş saet 16:00an pêk hatiye.
Çavkaniyekê ji malbatên Pêşmergeyên Komaleya Zehmetkêşan ya Kurdistanê ku berî niha li nava kampê dijiya, ji Rojnewsê re axivî û got: “Êriş li ser tankerên avê yên kampê ketiye.”
Hate ragihandin ku di êrişê de ti ziyaneke canî pêk nehatiye.
Hêjayî bi bîr xistinê ye ji destpêka şerê di navbera Amerîka-Îsraîl û Îranê de li Herêma Kurdistanê 21 kes jiyana xwe ji dest dane û zêdetirî 100 kes jî birîndar bûne.
