Li El-Bûkemalê li ber avahiya aydî Wezareta Parastinê ya Hikûmeta Demkî ya Sûriyeyê teqînek pêk hat.
Kaosa Sûriyeyê bi bûyerên nû kûr dibe. Di demên dawî de êrişên DAÎŞ û bûyerên di navbera çekdarên di bin navê Artêşa Nû ya Sûriyeyê de hatine cem hev zêde dibin. Li navçeya El-Bûkemalê ya bi ser Dêrezorê ve teqîneke mezin pêk hat. Li gorî çavkaniyên herêmî wesayîteke bombebarkirî li ber avahiyeke aydî Wezareta Parastinê ya Hikûmet Demkî ya Sûriyeyê hate teqandin. Di teqîna di heman demê de nêzikî Mizgefta El-Mûstafa de li gorî agahiyên pêşiyê windahiya can û mal pêk hat. Hêj nayê zanîn ku teqîn çewa û ji hêla kî ve hatiye kirin. Lê di demên dawî de êrişên DAÎŞê yên li vê herêmê zêde dibin.
