Li bajaroka Cajîbîo ya herêma Caucayê ya Kolombiyayê, di encama teqîneke di dema derbasbûna wesayîtekê de 14 kesan jiyana xwe ji dest dan û 38 kes jî birîndar bûn.
Li Kolombiyayê êrişeke bombeyî pêk hat. Li bajaroka Cajîbîo ya girêdayî herêma rêveberiya Caucayê, teqemeniyeke ku berê di menfezê de hatibû bicihkirin, dema ku wesayîtek di ser re derbas dibû hat teqandin. Di encama vê teqîna bi hêz de 14 kesan jiyana xwe ji dest dan û 38 kes jî birîndar bûn.
Serokkomar FARC tawanbar kir
Piştî êrişê Serokkomarê Kolombiyayê Gustavo Petro, der barê bûyerê de daxuyaniyek da. Petro, di daxuyaniya xwe de rasterast Serokê Estado Mayor Central (EMC) ku rêxistina sîwanî ya FARCê ye Ivan Mordîsco sûcdar kir û ew wekî berpirsyarê vê êrişê nîşan da.
