Komeleya Timoqiyan a Êlihiyan têkildarî êrişên ser Bakur û Rojhilatê Sûriyeyê yên komên çeteyên HTŞê, SMO û Tirkiyeyê, daxyaniya nivîskî dan û gotin: “Em bang li rayedaran dikin ku bila guh bidin dengê aqil, qanûn û mirovahiyê.”
Komeleya Timoqiyan a Êlihiyan têkildarî êrişên ku li Rojava û Bakûr û Rojhilatê Sûriyeyê diqewimin daxuyaniyeke nivîskî dan û di daxuyaniya xwe de bang li rayedarên dewletê kirin ku şerê didome bidin sekinandin. Di daxuyaniyê de ev tişt hatin gotin: “Em dixwazin careke din teqez bikin ku êrîşên ku li Rojava ten kirin bên sekinandin. Tiştên ku li Rojava diqewimin hedefgirtina wijdana hevpar ê mirovahiyê ye. Her êrişên li dijî sivîlan tên kirin zarok, jin û mirovên bêguneh bi mirinê re rû bi rû dimînin û ev yek nayê qebûlkirin.
‘Meseleyeke qanûnî û exlaqî ye’
Di daxuyaniyê de hat destnîşankirin ku azadiya xwe îfadekirinê û edaletê bi kelemçeyan nayê astengkirin û wiha hat gotin: “Divê hiqûq bi maf re be, ne bi hêzê re. Qanûnên neteweyî û peymanên mafên mirovan ên navneteweyî yên ku em jî tê de ne, erka parastina îfadeyên aştiyane yên welatiyên xwe, li ser dewletê ferz dikin. Binpêkirina vê erkê ne tenê meseleyeke qanûnî ye, berpirsiyariyeke giran a exlaqî ye. Em bawer dikin ku bûyera daxistina alê ya duh bi eşkereyî kiryarek provokatîf bû. Armanc ew bû ku aştiya civakî têk bibin û derbe li pêvajoya heyî bixin. Em bi rêzdarî raya giştî agahdar dikin ku em bi eşkereyî hemû kiryarên wiha yên provokatîf û aloziyê zêde dikin şermezar dikin.”
‘Em êrîşên li Rojava bi tundî şermezar dikin’
Di dawiya daxuyaniyê de hat gotin ku şer û tundî wêranî, êş û hestiran li gelan didin avakirin û wiha pê de çû: “Rêbazên ku di derveyî wijdanê hevpar ê mirovahiyê de tên meşandin, tu rewatiya wan ji bo mirovatiyê de tune ye. Em pêşniyar dikin ku agirbesta demkî ya ku hatiye ragihandin, daîmî be û pirsgirêk bi rêbazên demokratîk, qanûnî û aştiyane bên çareser kirin. Em bawer dikin ku aştiya mayînde ne bi rêya provokasyonan, bi rêya diyalog, rêzgirtina hevbeş bêne çareserkirin. Wekî Komeleya Timoqiyan, em ji bo pêşeroja parastina jiyanê, daxwaza aştiyê û bilindkirina dengê xwe li dijî zilmê bilind dikin. Em êrîşên li Rojava bi tundî şermezar dikin û bi eşkereyî radigihînin. Em li dijî xwepêşandanên aştiyane yên li Tirkiyeyê wekî dijî qanûn, rûmeta mirovan û wijdanê hevpar dibînin. Em bang li rayedaran dikin ku guh bidin dengê aqil, qanûn û mirovahiyê.”
