Fermandariya Hêzên Parêzvanên Nîştimanî yên Siwêdayê diyar kir ku di encama êrişên komên Hikûmeta Demkî de ji duh ve 7 kesan jiyana xwe ji dest daye, 7 kes birîndar bûne û 19 kes jî hatine revandin.
Li gorî nûçeya ANHAyê Fermandariya Hêzên Parêzvaniya Niştimanî yên Siwêdayê derbarê genşgaşiya ji duh ve li herêmê diqewime daxuyanî da. Di daxuyaniyê de de hate diyarkirin ku hêzên Hikûmeta Demkî ya Sûriyeyê ji duh sibehê heya îro binpêkirinên sîstematîk li dijî şêniyên Siwêdayê pêk anîne.
Sivîl hatin revandin
Di daxuyaniyê de hate diyarkirin ku 3 kes li bajarokê Necranê di nava zeviyên çandiniyê de hatin kuştin, 12 sivîl li benda kontrolê ya bajarokê Metûnayê hatin girtin û li herêma di navbera bajarokên Beka û Berd de jî 4 kes hatine kuştin û 7 jî hatine revandin. Her wiha hate destnîşankirin ku bajaroka Bekayê bi 2 dronan hatiye bombebarankirin.
Bi dronan bombebaran kirin
Di daxuyaniyê de hate ragihandin ku di encama bomberana du droneyên yek ji hatiye xistin de kesek birîndar bûye. Di daxuyaniyê de hat gotin, bajar bi moşekên grad hatiye hedefkirin û di encamê de malek şewitiye û 3 jin birîndar bûn.
Li gorî daxuyaniyê, di encama van binpêkirinan de, 7 kes hatine kuştin û 4 kes birîndar bûne û 19 kes jî hatin revandin.
