Serokkomarê Fransayê Emmanuel Macron diyar kir ku vekirina Tengava Hurmuzê bi hêza leşkerî rêyeke rasteqîn nîne. Londonê jî ji bo jinûve vekirina tengavê, bi beşdariya zêdeyî 40 welatî civîneke navneteweyî lidar xist.
Serokkomarê Fransayê Emmanuel Macron li ber daxwaza Amerikayê ya ‘Kendava Hurmuzê bi hêza leşkerî vekirinê’ bersivand. Macron diyar kir ku ji bo vekirina kendavê operasyona leşkerî ne raste.
Macron di serdana fermî ya li Seulê de anî ziman ku Fransa rêya leşkerî tu caran napejirîne û got: “Ev yek tu carî ji bo me nebû rêyek û em di wê baweriyê de ne ku ev yek ne raste.”
Daxuyaniyên Trump baweriya ji bo NATOyê lewaz dike
Macron diyar kir ku operasyoneke bi vî rengî dê gelek metirsiyan bi xwe re derxîne holê. Macron da zanîn ku daxuyaniyên Donald Trump ên derbarê mijarê de ziarê dide NATOyê.
Li Londonê civîna navneteweyî ya ji bo Hurmuzê
Wezîra Karên Derve ya Îngilistanê Yvette Cooper jî anî ziman ku ji nû ve vekirina Kendava Hurmuzê pêwîstiyeke lezgîn e. Cooper di civîna bi beşdariya zêdeyî 40 welatan hatiy pêkanîn de axivî û got, girtî hiştina tengavê encamên cidî li ser deryavaniya navneteweyî bi xwe re tîne. Di civînê de ji bo ji nû ve vekirina kendavê gavên divê bên avêtin hatin nîqaşkirin.
