Meclisa Demokratîk a Gelan a Kantona Firatê ji bo şermezarkirina êrişên dewleta Tirk li pêşiya avahiya Rêveberiya Xweseriya Demokratîk a li bajarê Kobanê daxuyanî da. Hevseroka Meclisa Demokratîk a Gelan Rewşen Mehmûd daxuyanî xwend û got: “Dewleta Tirk dixwaze xeyalên xwe yên Osmaniya nû pêk bîne.”
Meclisa Demokratîk a Gelan a Kantona Firatê bi boneya êrîşên Tirkiyeyê yên li herêmê şermezar bike daxuyanî da. Di daxuyaniyê de êrişên dewleta Tirk ên li ser Bakur û Rojhilatê Sûriyeyê şermezarkirin. Hevseroka Meclisa Demokratîk a Gelan Rewşen Mahmûd, anî ziman ku armanc ji van êrişan tirsandina sivîlan, koçberkirina wan, valakirina herêmê ji niştecihên wê yên resen û pêkanîna guhertina demografiyê ye û wiha got: “Dewleta Tirk a dagirker û çeteyên wê dixwazin Bendava Tişrînê ya stratejîk a ku av û ceyranê dide herêmê bixin bin kontrola xwe. Dewleta Tirk a dagirker di êrişên xwe yên li ser bedena bendavê de balafirên şer û yên bê mirov ên bi çek û obîsan bi kar tîne. Ev êriş xetereyeke mezin li ser heykela bendê çêdike, dibe ku bide sedema hilweşîna bendavên din, di enamê de jiyana bi mîlyonan sivîlên li Sûriye û Iraqê yên li rex çemê Firatê bi xetereyê rû bi rû bihêle û karaseteke jîngehî û çandinî çêbibe.”
Rewşen Mahmud, da zanîn ku armanca Dewleta Tirk, ji kontrokirina bendavê zêdetir, dagirkirina herêmên rojhilatê çemê Firatê ye û axivî: “Bi taybetî bajarê Kobanê ye ku DAIŞê têk biriye û bûye sembola navneteweyî ya têkbirina terorê. Hate diyarkirin ku dewleta Tirk dixwaze xeyalê xwe yê zindîkirina sultaniyeta Osmaniyan vegerîne. Dewleta Tirk û çeteyên wê ji ber binkeftina xwe ya kontrokirina bendavê, li Sûka bajarê Sirînê hemû kîna xwe li hemberî sivîlan vala kir. Di encamê de gelek sivîl û zarok jî di nav de şehîd bûn. Ev yek kîna kor a dewleta Tirk a dagirker a li hemberî tevahî gelên Bakur û Rojhilatê Sûriyeyê zêdetir dike. Ji ber vê yekê wekî erkeke exlaqî divê tevahî cîhanê serokê dewleta Tirk a dagirker wekî terorê herî mezin li cîhanê bibîne.”
Rewşen Mahmûd, bang Koalîsyona Navneteweyî, civata navneteweyî û rêxistinên mafên mirovan kir ku li ber êrişên dagirkeriyê yên Dewleta Tirk yên li ser sivîlan û binesaziya herêmê bigirin.
