MEBYA-DERê li navçeya Erxaniyê bi malbatan cangoriyên Tevgera Azadiyê re civînek li dar xist. Piştre şandeyê serdana goristanê kir û wiha hat gotin: “Em ê her tim xwedî li bîranîn û têkoşîna wan derkevin.”
MEBYA-DERê di çarçoveya çalakiyên “Meha Gulanê” de li navçeya Erxaniyê ya Amedê bernameyeke bîranînê li dar xist. Bername bi beşdariya gelek malbatên cangoriyan pêk hat. Civîn ji bo hemû cangoriyên di têkoşîna azadiyê de jiyana xwe dest dane bi deqiqeyekê rêz girtinê destpê kir. Hevserokê MEBYA-DERê Ramazan Dengiz di bîranînê de axivî.
Civîna malbatan û sînevîzyon hat nîşandan
Bername ewilî bi sînevîzyoneke ku li ser jiyan û têkoşîna cangoriyên meha Gulanê hatibû amadekirin hate nîşandan. Di dema nîşandana sînevîzyonê de kêliyên bi hestiyar hatin jiyîn. Di dema nîşandana sînevîzyonê de car caran dirûşmeyên dilsoziyê hatin berzkirin û kêliyên bi hestiyar hatin jiyîn. Piştî sînevizyonê Hevserokê MEBYA-DERê Ramazan Dengiz axivî û destpêka Tevgera Azadiya Kurd bi bîr anî û got: “Navê partiyê kirine Partiya Şehîdan. Serok ji dibêje; ‘’Ez berdevkê şehîda me’. Heger bawerî ji me kêm birîbe, heger êdî gel ji me hêz negire, demek ku girêdana me û şehîdan devjênere bûye. Demek ku me wekî berê girêdaneke xurt ji bo biranînê wan û xebateke mezin nehatiye meşandin.”
Piştî axaftinê civîna malbatan dest pê kir. Malbatên cangoriyan li ser pişgirtiyê û pêdiviyan axivîn.
Serdana goristanan
Şandeya MEBYA-DERê û malbat, piştî bernameyê çûn goristana nexweşxaneyê ku 10 cangoriyên bênav tê de ne û goristana Çîmentoyê ya ku cenazeye 5 cangoriyan tê de ne. Li ser gora cangoriyan deqeyek rêz hate girtin û duan hatin xwendin. Ramazan Dengîz li goristanê jî axivî û diyar kir ku daxwaza wan ew e ku divê dewlet bi wan re hevrû bibe.”
Bername bi duayan û dirûşmeyan bi dawî bû.
