11emîn Mihrîcana Şanoyê ya Navneteweyî ya Amedê di roja 6emîn de bi panel û lîstikan berdewam kir.
11emîn Mihrîcana Şanoyê ya Navneteweyî ya Amedê ya ku ji aliyê Şaredariya Bajarê Mezin a Amedê ve bi dirûşma “Ji bo aştiyê diyalog” tê lidarxistin, di roja 6emîn de berdewam kir. Bername îro gotûbêja bi Tirkî dest pê kir. Derhêner, lîstikvan û gelek kes tevli bernameyê bûn. Piştî gotûbêjê di rêzêde listikên bi navê ‘Şeva jibîrneçûyî (The Unforgettable Night)’, ‘Wêneyên di bîranînan de (Images in Memory)’ û ‘Pira girêdanê (Connecting Bridges)’ hatin lîstin.
Lîstoka şanoya ya yekemîn a bi navê ‘Şeva jibîrneçûyî’ ji aliyê şanogerên Koma Şanoyê ya Helebceyê li Herema başûrê Kurdistanê ve hate lîstandin. Mijara lîstoka ‘Şeva jibîrneçûyî’ adaptasyona Kurdi ya listika navdar a ku bi navê ‘Mirin û Keçik’ ya ku ji aliyê Ariel Dorfman ve pêk hatî ye. Listika ku ji aliyê Faruq Omer ve hatiye wergerandin ji aliyê derhêner Xelat Newzad ve hatiye pêşkêşkirin. Ev berhema şanoyî, bi çavên jineka şoreşger, pevçûna di navbera dadweri, tolhildan û bîranînê de vedikole. Listik, jiyana vê kesayeta şoreşger û ew çawa bi wêrekî li hemberî desthilatdariya zordest a rejîmeke dîktator sekiniye vedibêje. Ew kêliyên tirsnak ên jiyan û mirinê ên di zîndanên tari de rasti tundiya fizîkî, derûnî û zayendi ragirt. Travmaya vê tundiyê piştî azadbûna wê ji didome û ew her her tim li pey sûcdarên ku van tawanan li dijî wê dikin digere.
Lîstoka îro ya duyemîn a lîstoka şanoyê bi ‘Wêneyên di bîranînan de’ derhêneriya wî Munîm Saeed dikir ji aliyê Koma Şanoyê ya Neteweyî welatiyên Lîbyayê derket ser dikê. ‘Wêneyên di bîranînan de’ di cihekî mirovî de pêş dikeve ku li ser bîranînê wekî depoyeke êş, xeyal û pirsên paşxistî disekine. Kesayet, parçeyên rabirdûyê ne ku wekî bûyerên qediyayî, lê bi rêya wêneyên şikestî yên ku wekî sî û wêneyên ku têkoşîna mirovî ya di navbera tiştê ku hatiye jiyîn û tiştê ku nehatine çareserkirin de, nîşan didin û bi bîr tînin. Lîstik li ser tevliheviya qatên demkî yên ku rabirdûyê û niha li hev dicivin, bîranîn vediguherîne sehneya hundurîn a ku karakter bi xwe û encamên şeran, windahiyan û şikestinên kesane û kolektîf re rû bi rû dimînin. Her wêneyekî ku bê bi bîranîn ku aliyeke yê rastiyê aşkere dike, di heman demê de deriyekî nû ji guman û pirsan ya nirx û sînorên bîranînê re vedike. Di ’Dîmenên di bîranînan de’, bûyer ne wekî vegotineke xêzî, lê wekî avahiyeke hestiyarî ya ku li ser nakokiya ku di navbera tiştên ku tê gotin û tiştên ku tê veşartin, di navbera daxwaza jibîrkirinê û pêwîstiya bîranînê de hatiye avakirin, tê pêşkêş kirin. Bi vî awayî, bîranîn ji kiryarek bîranînê vediguherîne kiryarek berxwedanê, ji nostaljiya statîk vediguherîne rûbirûbûnek tûj ya bi rastiyê re û pirsa di hewayê de dihêle: Gelo bîranîn formeke ya azadiyê ye an jî bareke yê neçariyê ye?
Lîstoka sêyemîn a dawî ya bi navê ‘Pira girêdanê’, ji aliyê Koma Elebatorzng Entertainment a welatiyên Nîjeryayê ve hate lîstandin û ji hêla derhêner Sunday Ododo ve hate amadekirin. ‘Pira girêdanê’, berhemeke şanoya dansê ye ku di cihaneke dabeşkirî de diyalogê wekî rêyek ber bi aştiyê ve diparêze. Ev performans, bi rêya koreografiya bihêz, vegotinên devkî û çîrokbêjiya fiziki, têgihîştinên şaş, qutbûnên bêdeng û pevçûnên ku di navbera kes, civat û civakan de mezin dibin vedikole.
Piştî lîstoka ‘Pira girêdanê’ plaket hate dayîn. 11emîn Mihrîcana Şanoyê ya Navneteweyî ya Amedê sibê di roja 7emîn de dê berdewam bike.
