Mitînga 8ê Adarê ya Roja Jinên Cîhanê ku bi pêşengtiya TJAyê hatiye organîzekirin, li Parqa Mûsa Anter ya Wanê bi coş dest pê kir.
Tevgera Jinên Azad (TJA) bi boneya 8ê Adarê Roja Jinên Cîhanê li Parqa Mûsa Anter ya Wanê mitîngê li dar dixe. Mitînga ku qada wê bi alayên binevşî, kesk, sor, zer û sipî hatin xemilandin, bi coşeke mezin dest pê kir. Hevseroka Giştî ya Partiya Wekhevî û Demokrasiyê ya Gelan (DEM Partî) Tulah Hatîmogûllari û endama Şandeya Îmraliyê û parlementera DEM Partiyê ya Wanê Pervîn Bûldan, aktivîstên TJAyê û gelek jin bi kortejeke mezin ketin qada mitîngê. Di kortejê de pankarta “raperîna me li dijî qirkirina jinê ye meşa me ber bi azadiyê ve ye” hat vekirin û dirûşmên “jin jiyan azadî” hatin berzkirin. Mitîng ji bo jinên di tekoşîna azadiyê de jiyana xwe ji dest dan deqeyekê rêzgirtinê dest pê kir. Mitîng bi govend û dirûşman didome. Hevseroka Giştî ya DEM Partiyê Tulay Hatîmogûllari, parlementer Pervîn Bûldan û Aktîvîsta TJAyê Zekiye Îlbasan dê di mitîngê de biaxivin.
