Li ser daxwaza Rûsyayê, Konseya Ewlehiyê ya Neteweyên Yekbûyî îro bi mijara gotûbêjkirina şerê li Îranê civîneke girtî li dar dixe.
Li gorî Ajansa Nûçeyan a TASS a Rûsyayê, berdevkê nûnerê Rûsyayê yê li Neteweyên Yekbûyî (NY) Yevgeny Uspensky ragihand ku Rûsyayê ji ber êrişên berdewam ên li ser binesaziya sivîl ya li Îranê, saziyên perwerde û tenduristiyê, daxwaza civînên girtî li Konseya Ewlehiyê kir.
Ev daxwaz di dema ku der barê şer de di navbera endamên konseyê de cihêkarî çêbûye de hat kirin. Hin endamên konseyê banga agirbestê û vegera li maseya diyalogan dikin, lê hinên din Îsraîl û Amerîkayê mafdar dibînin ku bersiva Îranê bidin.
Têkildarî rewşa meydanî, şerê di navbera Îran û Îsraîlê de dewam dike de her du bi hêzên hewayî bi moşek û dronan êrişî hev dikin. Şer herêmên din ên wekî Kendavê jî girtiye nava xwe.
Li aliyekî din Tengava Hurmuzê hîna girtî ye. Li gorî Ajansa Nûçeyan a Farsê ya Îranê zêdetirî 350 tankerên petrol û gazê li Kendava Omanê sekinîne û li bende derbasbûnê ne.
