Serokwezîrê Israîlî Benjamin Netanyahu bi rêberê ruhanî yê civaka Durzî ya Israîlê re hevdîtin kir.
Serokwezîrê Îsraîlê Benjamin Netanyahu bi rêberê ruhanî yê civaka Durzî ya Îsraîlê Şêx Muwefaq Tarif, re hevdîtin kir. Di vê dema ku alozî di navbera Durziyên Sûriyeyê û çekdarên alîgirên Şamê de zêde bûne ev hevdîtin balê dikişîne ser xwe.
Şêx Tarif ji bo prastina durziyên li Sûriyê ku di rojên dawî de rastî êrîşan tên, spasiya Netanyahu kir. Şêx Tarîf got “Van tedbîrên Îsraîlê peyameke hişyariyê da rejîma Sûriyeyê ku Israîl pabendî parastina civaka Durzî ya Sûriyeyê ye”.
Wezareta Berevaniya Israîlî îro ragihand ku wê operasiyoneke hişyarî li dijî girûbeke ku wê weke “tundrew” binav kir, pêkanîn, ku wê girûpê plana “êrîşkirina niştecihên Durzî li bajarokê Eşrefiya Sahnaya” li gundewarê Şamê dikir.
Desthilata Şamê îro êrişa hişyariyê ya Israîlê ya ku cihekî nêzîkî koşka serokatiyê kir armanc, şermezar kir, û ew weke “rageşiyeke metirsîdar” bi nav kir.
Rageşî û arîşeyên ewlekarî di navbera desthilatên Şamê û Durziyan de veguherî pevçûnên leşkerî, di encamê de zêdetir ji 73 kesan ji her du aliyan hatin kuştin.
