Nivîskar û helbestkar Rênas Jiyan li Wanê gotûbêjek li dar xist û diyar kir ku pêwist e zimanê Kurdî bibe zimanê fermî.
Nivîskar û helbestkar Rênas Jiyan li Eskîcî Kafeyê ya li Kolana Hunerê ya li navçeya Rêya Armûşê ya Wanê bernameya helbestxwendin û gotûbê li darxist û pirtûkên xwe îmze kir. Moderaatoriya bernameye Ahmet Bayer kir. Gelek ciwan û welatî tevî bernameyê bûn. Rênas Jiyan destpêkê xêrhatina beşdaran kir û kêfxweşiya xwe ya ji bo tevlêbûna ciwanan anî ziman. Rênas Jiyan qala naveroka pirtûka xwe ya dawiyê ya bi navê “Stêrk Dibişkivin Li Zêrzewanê” kir. Rênas Jiyan li ser rewşa wêjeya Kurdî sekinî û got: “Mixabin di aliyê xwendinê de rewşa wêjeya Kurdî zêde nebaş e, ez civakê jî rexne dikim, gelek berhem tên afirandin lê civak zêde eleqedariyê nîşan nade.” Rênas Jiyan balkişand ser rewşa zimanê Kurdî jî û got: “Pêwist e zimanê Kurdî bibe zimanê fermî.”
Rênas Jiyan da zanîn ku xwestiye di vê pirtûka xwe de girîngiya dilpakiyê nîşan bide û got: “Xezîneya herî mezin dilpakî ye min xwest ez ev ê di romana xwe de raber bikim û roman hinekî tekîldarî olê ye jî. Min xwast ez oldarên baş jî bidin nîşandayîn.”
Rênas Jiyan Rojîn Kabaîş jî bi bîranî û wiha pê de çû: “Ez hevidar im ku kê ev destdirêjî kiribe were dîtin û bê cezakirin. Malbata wê bi rez û hurmet silav dikim.
Di bernameyê de beşdaran derheqê helbestên wî û wêjeya Kurdi da pirs pirsîn.
Bername bi xwendina helbestan û îmzekirina pirtûkan bi dawî bû.
