* Cîgirê Hevserokên Giştî yên DEM Partiyê Mehmet Ruştu Tiryakî yê ji Rêveberiyên Xwecihî berpirsiyar e da zanîn ku Tirkiye ji ber tirsa xweseriyê şerh daniye ser 6 xalên Hevpeymana Navneteweyî ya Şertê Xweseriya Rêveberiyên Xwecihî û xwest ev şerh werin rakirin.
* Rojnameger Omer Tur ku yek ji rojnamegerên ku şahidiya kuştina Ugur Kaymaz û bavê wî kiribû girîngîya çapemenîya azad a di bûyerên wiha de bi bîr xist û got: “Eger me rastiya bûyera hovane ya kuştina Ugur Kaymaz û bavê wî dernexista holê û wêne belav nekira dê ev jî wek bi hezaran bûyer bihata bincilkirin.”
* Malbatên endamên Meclisa Ciwanan a DEM Partiyê Yûsûf Demîrpolat û Suleyman Kahraman ku li Amedê hatibûn girtin li girtîgehê serdana zarokên xwe kir û diyar kir ku zarokên wan xistine hucreyan û bicihkirina qawişên bêalî li wan ferz dikin.
* Lekolînên zanistî diyar dikin ku her darek têra 40 mirovî oksîjenê hildiberîne û kezaba 40 mirovî paqij dike. Li gorî lêkolînan li tevahiya cîhanê di salekê de 67 hezar km daristan tune bû. Ji ber şewata salekê ya daristanê herî kêm 268 milyon mirov ji oksîjenê bêpar man.
* Parlamenterê DEM Partiyê Omer Ocalan ê li Amedê tev li deklerasyona ji bo zimanê Kurdî bû got: “Dema ku Kurd bi awayekî xurt li ziman, nasname û hebûna xwe xwedî derkevin, li her derê bi zimanê xwe biaxivin, êdî dewlet jî dê mecbûr bimîne gavan biavêje.”
* Parêzerên Tora Mafên Zarokan têkildarî Roja Mafên Zarokan a Cîhanê diyar kir ku ji ber xebitandinê mafên zarokan tên binpêkirin û got: “Dewlet li şûna ku mafên zarokan biparêze lê piştgiriyê dide patronan.”
* Rêveberiya Navendî ya DEM Partiyê dê bi rojeva çûyina Komîsyonê ya Girava Îmraliyê û geşedanên di rojevê de bicive. (10.30)
* 2yemîn Danişîna doza Bûrak Ercan ê ku destdirêjî li 38 zarokan kiribû û cezayê wî hatibû xerakirin wê li 2yemîn Dadgeha Cezayên Giran a Cizîrê were lidarxistin (11.00)
* Komîsyona Jin û Zarokan a DEM Partiyê dê tekildarî Roja Mafên Zarokan li navenda xwe ya giştî daxuyanî bide. (11.30)
* Tora Mafên Zarokan a Amedê ji bo ku bi boneya 20ê Mijdarê Roja Mafên Zarokan a Cîhanê balê bikişîne ser binpêkirinên li dijî mafên zarokan dê li ber Edliyeya Amedê daxuyaniyê bide çapemeniyê. (12.00)
* Meclîsa Jinan a DEM Partiyê ya Wanê dê bi dirûşma “Li dijî tundiyê, ji bo azadiyê û wekheviyê em bi hev re ne” li Qada Bajêr a Wanê zincîra mirovan pêk bîne. (13.00)
* Bi pêşengtiya MEBYA-DERa Amedê dê bi awayekî girseyî serdana şîna endamên HPGê yên di dîrokên cuda de jiyana xwe ji dest dane bê kirin. (13.00)
* Berdevka DEM Partiyê Ayşegul Dogan têkildarî geşedanên di rojeve de dê li navenda giştî ya partiya xwe daxuyanî bide. (14.00)
