Tevgera Jinên Azad bi minasebeta 8ê Adarê li navçeyên Sûr, Peyas, Bajarê Nû û Hezroyê belavokên 8ê Adarê belav kir û jinan vexwendin mitînga 8ê Adarê.
Çalakiyên Tevgera Jinên Azad (TJA) ên bi rasthatina 8ê Adarê Roja Jinan a Cîhanê bênavber didomin. TJAyê li gundê Palûkê yê Amedê belavokên 8ê Adarê belav kir. Gelek aktîvîstên TJAyê, Hevşaredara Sûrê Gulan Onkol û gelek jin tev li çalakiyê bûn.
Aktîvîstên TJAyê bi welatiyan re sohbet kirin û derheqê pêvajoyê û 8ê Adarê de agahî dan. Her wiha aktîvîstên TJAyê belavok belav kirin û xwestin jinên gundê Palûkê tev li mitînga 8ê Adarê ya li Qada Îstasyonê bibin.
Her wiha aktîvîstên TJAyê û endamên Meclisa Jinan a DBPê û DEM Partiyê li navçeyên Hezro û Peyasê jî xebatên mitînga 8ê Adarê bi rê ve birin.
Jinan li navenda Peyasê belavokên 8ê Adarê li jinan belav kirin û wan vexwendin mitînga 8ê Adarê.
Aktîvîstên TJAyê serdana gundê Kufercînê yê ser bi navçeya Hezroya Amedê ve kirin û belovan li jinan belav kirin û wan vexwendin mitînga 8ê Adarê ya li Qada Îstasyonê.
Aktîvîstên TJAyê li navçeya Bajarê Nû ya li navenda Amedê jî li kuçe û kolanan geriyan û belavokên 8ê Adarê li jinan belav kirin û banga beşdariya mitîngê kirin.
