Weqfa Mezopotamyayê, bi minasebeta çapkirin û danasîna “Ferhenga Rastnivîsînê” û parvekirina xebatên xwe yên akademîk, li Qonaxa Cemîl Paşa ya navçeya Sûrê resepsiyonekê li dar xist.
Weqfa Mezopotamyayê, xebateke din a girîng a li ser zimanê Kurdî gihand encamê. Weqfê, bi mebesta danasîna “Ferhenga Rastnivîsînê” û rûmetdarkirina keda zimanzanan, li Qonaxa Cemîl Paşa ya li navçeya Sûrê ya Amedê resepsiyoneke taybet amade kir. Hevşaredarê Bajarê Mezin ê Amedê Dogan Hatun, hevşeredara Sûrê Fatma Gulan Onkol gelek nivîskar, rewşenbîr, lêkolîner, zimanzan û nûnerên saziyên sivîl û çandî tev li resepsiyonê bûn.
Berhema ked û nîqaşên 7 salan e
“Ferhenga Rastnivîsînê” ku ji bo çareserkirina pirsgirêkên di warê nivîsîna kurdî de hatiye amadekirin, ne tenê xebateke pirtûkî ye, di heman demê de encama pêvajoyeke dirêj a kolektîf e. Komîsyona Rêziman û Rastnivîsînê ya Weqfa Mezopotamyayê ji bo vê berhemê tam 7 salan lêkolîn û xebat meşandine. Di vê pêvajoyê de 10 atelyeyên cuda yên berfireh hatine lidarxistin û nêzî 30 zimanzan, nivîskar û akademîsyen li ser her peyv û pênaseyê bi hûrgilî sekinîne.
Resepsiyonêde Seroka Weqfa Mezopotamya Gevriye Atli axivî û bal kişand li ser ziman, bingeha neteweyî û çandî û got: “Her gel bi zimanê xwe dijî û bi zimanê xwe didi naskirin ji ber wê jî rastnivîs girîng e.”
Dogan Hatun jî di resepsiyonê de axivî û got: “Ev gelek sal in heval li ser vê ferhengê dixebitin. Ji bo standartbûyîna zimanê Kurdî ya li çar parçeyê Kurdistanê û diasporayê jî bi hevkirin vek ferhengekê. Ji vir û pê ve ev ferhengê wê rêya kesên li ser zimanê Kurdî dixebitin berfireh bike.”
Editorê Ferhenga Rastnivîsê Bahoz Baran di bernamêde axivî û qala ferhengê, xebatên Weqfa Mezopotamyayê kir.
Bername bi nîşandana sînevizyonê bi dawî bû.
