Gelek derdor pêbawerin ku şerê Îsraîlê ya li Libnanê ya li dijî Hizbullahê ji bo rawestandina şerê di navberê Îran û Amerîkayê de mijare sereke ye. Tê payîn ku Îsraîl û Libnan îro li Washingtonê rasterast bicivin û vê mijarê nîqaş bikin.
Serokê Amerîkayê Donald Trump duh derengê şeve di ser Truth Socil de ragihand ku lîderên Îsraîl û Libnanê dê sibê (îro) hevdîtineke rasterast pêk bînin. Ev gava dîplomatîk wekî hewldanek a ji bo kêmkirina rageşiya li herêmê û afirandina “bîhnfirehiyê” di navbera her du welatan de tê nirxandin.
Mizgîniya Trump li ser Truth Social
Donald Trump, duh bi şev li ser hesabê xwe yê Truth Social daxuyaniyek belav kir û bal kişand ser girîngiya vê hevdîtinê. Trump diyar kir ku ji ser axaftina dawî ya lîderên her du welatan re demeke pir dirêj derbas bûye û wiha got: “Em hewl didin di navbera Îsraîl û Libnanê de hinek bêhnfirehiyê ava bikin. Nêzî 34 sal in lîderên her du welatan bi hev re neaxivîne. Ev hevdîtin dê sibê (îro) pêk bê. Gelek xweş e!”
Civaka Ewlehiyêy a Îsraîlê li hev nekir
Civaka Ewlehiyê ya Îsraîlê jî ji bo nîqaşkirina agirbesta li Libnanê civiyan. Li gorî agahiyan, kabîneya Netanyahu li ser çawaniya cîbicîkirina rawestandina şer negihîştine tu lihevkirinê. Tevî nakokiyên navxweyî yên li Îsraîlê jî Trump bi gava xwe ya dîplomatîk hewl dide ku deriyekî nû veke.
Pêvajoya dîplomatîk û şerê li qadê
Ev hevdîtina ku piştî ewqa salan pêk tê, di demekê de ye ku li ser sînorê her du welatan şerê giran berdewam dike. Pisporên siyasî dibêjin ku Washington hewl dide bi vê hevdîtinê pêşî li berfirehbûna şer bigire û peywendiyên dîplomatîk yên ku ji sala 1990î û vir ve qut bûne, ji nû ve ava bike.
