Endam û rêveberên Hewldana 78an li Evrazê Kazanciyê ya li Taksîmê bernameya bîranîna qurbaniyên Komkujiya 1ê Gulana 1977an li dar xist û qurbaniyanî hatin bibîranîn û hate destnîşankirin ku Qada Taksîmê bîranîn û mîrateya qurbaniyan e.
Di 1ê Gulana 1977an de li Taksîmê bi hezaran karker-kedkar ji bo “Roja Kedkaran” kom bûbûn. Polîs û leşkeran êrişî girseya kombûyî kiribû û 34 kes di êrişan de jiyana xwe ji dest dabû. Piştî vê êrişê 1ê Gulana 1977an weke “Gulana bixwîn” hate pênasekirin. Hewldana 78an ji bo qurbaniyên 1ê Gulana 1977an bi bîr bîne li Evrazê Kazanciyê ya li Taksîmê bernameya bîranînê li dar xist. Endama û rêveberên sendîka û partiyên siyasî û gelek kes tev li bernameyê bûn. Bi sedan kesên tev li bernameyê bûn qerenfîlan danîn Evrazê Kazanciyê ku komkujî lê pêk hatibû.
Endamên Hewldana 78an, partiyên siyasî û saziyên civakî li Evrazê Kazanciyê kom bûn û pankarta “Em komkujiya 1ê Gulana 1977an ji bîr nakin” hate vekirin. Daxuyanî ji aliyê endama Hewldana 78an Nîmet Tanrikûlû ve hate xwendin.
‘Em dev ji Qada Taksîmê bernadin’
Nîmet Tanrikûlû diyar kir ku li vê Evrazê Kazanciyê gelek hevalên wan hatin kuştin û got: “Xwîna hevalên me li vir hate rijandin. Em hevalên xwe li vê qadê bi enê nahêlin. Em dev ji Qada Taksîmê bernadin. Çima em dev ji Qada Taksîmê bernadin? Taksîm mîrateya hevalên me ye, Taksîm sembola têkoşîna me ye. Ji bo têkoşîna me bin pê bikin dixwazin Qada Taksîmê qedexe bikin. Lê nikarin Qada Taksîmê qedexe bikin.”
Bîranîn bi danîna qerenfîlên li cihê komkujiyê bi dawî bû.
