Sêrt – Welatiyên Sêrtê nerazîbûn nîşanî danîna qeyûm a li ser şaredariyê dan û welatiyan destnîşan kir ku îradeya wan hatiye desteserkirin û qeyûm wek “rûreşiyê” pênase kirin.
Wezareta Karên Navxwe ya Tirkiyeyê 29ê Çile Hevşaredarên Sêrtê Sofya Alagaş û Mehmet Kaysi ji wezîfeyê girt û qeyûm danî ser Şaredariya Sêrtê. Waliyê Sêrtê Kemal Kizilkaya wek qeyûm li şaredariyê hat wezîfedarkirin. Hêrs û nerazîbûna xelkê Sêrtê ya li dijî danîna qeyûm berdewam dike.
Welatiyên Sêrtê ji ajansa me re axivîn û nerazîbûn nîşanî danîna qeyûm dan û danîna qeyûm wek destesrkirina îradeya xwe û “rûreşiyê” pênase kirin. Welatiyan destnîşan kir ku qeyûm zilm, dizî û talan e. Welatiyan anî ziman ku ji aliyekî ve danûstandina aştiyê-çareseriyê û ji aliyekî ve jî danîna qeyûm û êrişa li ser gelê Kurd nayê qebûlkirin.
Welatiyan da zanîn ku her çiqas qeyûm bên danîn jî ew ê di her hilbijartinê de xwedî li îradeya xwe derkevin û dê qeyûm û zîhniyeta xwe li Sêrtê bi ser nekevin.
