Li navçeya Bazîd a Agiriyê Mehmet Komurcu jina pê re zewicîbû Gulden Komurcu bi çekê kuşt.
Li navçeya Bazîda Agiriyê kesê bi navê Mehmet Komurcu jina ku pê re zewicîbû Gulden Komurcu bi çekê kuşt. Piştî bûyerê kujer ji cihê bûyerê reviya û li ser agahdarkirina welatiyan, tîmên tenduristiyê û polîs sewqî cihê bûyerê hatin kirin.
Di kontrola tîmên tenduristiyê de hat tespîtkirin ku Gulden Komurcu jiyana xwe ji dest daye. Cenazeyê Gulden Komurcu rakirin morgê.
Hate ragihandin ku polîsan derbarê bûyerê de lêpirsîn daye destpêkirin û xebatên ji bo girtina kujer Mehmet Komurcu berdewam dikin.
