Bi sedan welatiyên Şêxmeqsûd û Eşrefiyê bi diruşma “Jin, Jiyan, Azadî li dijî hemû komployan bi ser dikeve” meşeke girseyî li dar xistin û komplo şermezar kirin.
Xelkê taxên Şêxmeqsûd û Eşrefiyê, endamên partiyên siyasî, saziyên sivîl ji bo şermezarkirina Komploya Navneteweyî ya li dijî Rêberê PKKê Abdullah Ocalan meşek li dar xist. Kongra Star ev meş organîze kir. Meş ji çerxerêya duyemîn a taxa Eşrefiyê dest pê kir û li kolanên taxa sereke ya taxê geriya. Li nêzî benda kontrola ya Eşrefiyê vegerî mîtîngê. Li wir endama Koordînasyona Kongra Star Reyhan Elo û axivî û amje bi berxwdana dîrokî ya Rêber Abdullah Ocalan kir. Reyhan wiha got: “Rêber Abdullah Ocalan girtîgeha Îmraliyê veguherand navendeke zanist û zanînê. Êdî fikra wî ji bo gelên bi demokrasîk û azadiya civak û jinê bawer in, bû ronahî.”
Hevseroka Meclisa Giştî ya Taxên Şêxmeqsûd û Eşrefiyê Hêvîn Silêman jî axivî û diyar kir ku dewletên ku beşdarî komploya li dijî Rêber Abdullah Ocalan bûne, xwestin gelê Kurd û doza wî tune bikin.
