Bi deh hezaran kesên ji Êlih, Mêrdîn, Riha û Şirnexê hatin Amedê li Qada Şêx Seîd kom bûn û li benda banga Rêberê PKKê Abdullah Ocalan in. Li Wanê jî bi deh hezaran kesên ji bajarê Serhedê kom bûn li Qada Bajar kom bûn û bi kelecan peyama Rêberê PKKê Abdullah Ocalan dipên.
Şandeya DEM Partiyê ku ji 7 kesan pêk tê, piştî îro çûn li Îmraliyê bi Rêberê PKK Abdullah Ocalan re hevdîtin kirin vegeriyan û gihiştin Otela Elîte Word a Stenbolê û li vir peyama Rêberê PKKê Abdullah Ocalan parve bikin. Beriya ku şande peyamê bi raya gişti re parve bike, bi deh hezaran kesên ji Şirnex, Êlih, Mêrdîn û Rihayê hatin Amedê li Qada Şêx Seîd kom bûn û li benda banga Rêberê PKKê Abdullah Ocalan in.
Li Wanê jî bi deh hezaran kesên ji bajarên Serhetê hatin li Qada Bajar kom bûn li gel hewa sar dîsa bi coşek mezin li benda banga Rêberê PKKê Abdullah Ocalan radiwestin. Girseya kom bûye li ber stranan govendê digerîne.
Li aliyê din li 7 bajarên Bakur û Rojhilatê Sûriyeyê, Silêmanî, Mexmûr, Şengalê bi deh hezaran welatî kom bûne û li benda banga Rêberê PKKê Abdullah Ocalan in. Şandeya DEM Partiyê ya Îmraliyê dê li Otela Elite World daxuyaniyê bidin çapemeniyê. Dê li vir Peyama Rêberê PKKê Abdullah Ocalan a dîrokî bi raya giştî re parve bikin.
