Li bajar, bajarok û gundên Bakur û Rojhilatê Sûriyeyê û Helebê di şeva 21ê Adarê şeva Newrozê de agir hatin dadan.
Li tevahî bajar, bajarok û gundên Herêma Bakur û Rojhilatê Sûriyeyê agirê Newrozê hatin pêxistin û pîrozbahî hatin lidarxistin. Xelkê bajarên kantona Cizîrê (Dêrik, Girkê Legê, Çilaxa, Tirbespiyê, Qamişlo, Amûdê, Dirbêsiyê, Til Temir û Hesekê), bajarê Kobanê yê kantona Firatê, kantonên Reqa û Tebqayê û taxên Şêxmesûd û Eşrefiyê yên Helebê agirê Newroêz hatin pêxistin û şahî hatin lidarxistin. Îro jî li 11 navendên Herêma Bakur û Rojhilatê Sûriyeyê û Helebê bi boneya Cejna Newrozê pîrozbahî tên lidarxistin. Şahî saet di 10:00an dest pê dikin.
