Abdullah Ruzgar piştî 30 salan ji hepsê hat berdan û li Êlihê bi girseyî hat pêşwazîkirin.
Abdullah Ruzgar di sala 1994an de li Êlihê bi îdiaya “Xerakirina yekitiya dewletê û tevkariya welat” ji aliyê Dadgeha Ewlehiya Dewletê (DGM) ve hatibû girtin. Ruzgar cezayê xwe qedand û duh ji Girtîgeha Kandiraya Kocaeliyê hat berdan.
Abdullah Ruzgar li Balafirgeha Êlihê bi girseyî hat pêşwazîkirin. Aktîvîstên Tevgera Jinên Azad (TJA), Dayikên Aştiyê, rêveberên TUAY-DER, MEBYA DER, DBP û DEM Partî û xizmên wî di pêşwazîkirinê de amade bûn. Piştî pêşwaziyê Ruzgar û girseya pê re derbasî mala xwe ya li taxa Karşiyakaya Êlihê bûn.
Abdullah Ruzgar bi fişekên hewayî û berzkirina dirûşman di nav şahiyekê de hat pêşwazîkirin. Abdullah Ruzgar spasiya hemû kesên hatine pêşwazî wî kir û diyar kir ku ew ê têkoşîna xwe ya azadiyê û aştiyek bi rûmet bidomînin û banga xwedîderketina pêvajoyê kir.
