Platforma Zimanê Kurdî ji bo balê bikişîne ser rewşa nefermîkirina zimanê Kurdî, dê panela bi navê “Zimanê Kurdî û Makezagona Nû” di 14ê Kanûnê de li dar bixe.
Platforma Zimanê Kurdî (PZK) ji bo balê bikişîne ser rewşa zimanê Kurdî û qanûna bingehîn a nû, panela “Zimanê Kurdî û Makezagona Nû” li dar dixe. PZK dê roja 14ê Kanûnê saet di 12.00an de li eywana Çand Amedê panelê li dar bixe.
Moderatoriya panelê dê Berdevkê Platformê Şerefxan Cizîrî bike û Parlamentera DEM Partiyê û derûnnas Bêrîtan Guneş, nivîskar-zimanzan Malmisanij û hiqûqzan Mehmet Emîn Aktar jî dê wek axêver beşdar bibin.
Platformê ji bo banga beşdariya panelê li navenda Amedê li gelek bîlboardan afîş dan daliqandin.
Tê payîn ku axivêr di panelê de li ser rewşa qedexekirin, astengî û nefermîkirina zimanê Kurdî axaftin û gotûbêjê bikin.
