Kongreya PKKê ya di navbera 5-7ê Gulanê de hat xistin kete rêza yekem a rojeva medyaya navneteweyî ya cîhanê.
PKKê îro ragihand ku Kongreya 12an di navbera 5-7ê Gulanê de lidar xistiye. Hat ragihandin ku wê berfirehiya kongreyê di rojên pêş de bi raya giştî re parve bikin. Ragihandina Kongreya 12an a PKKê kete rojeva çapemeniya cîhanê. Reuters, Associated Pres (AP) û gelek ajansên navneteweyî kongre kirin manşetên xwe. Di nûçeyên hatin parvekirin de, bal kişandin ser pêkhatina kongreyê ya piştî banga Abdullah Ocalan, wê di ware çareserî û pêvajoya muzakereyê de xwedî roleke mezin û diyarker be.
Reuters
Ajansa Nûçeyan a Reuters a navenda wê Îngîltere di nûçeya xwe de ev got: “Piştî banga bêçekirinê ya lîderê PKKê yê li girtîgehê û şûnde Kurdan PKKê kongeya xwe ‘bi biryarên dîrokî’ lidar xist.” bi xwendekarên xwe re parvekir.
Associated Press (AP)
Associatec Press a navenda wê Emerîka jî bi manşeta ‘Koma milîtanên PKKê bê ku fesîxkirinê piştrast bike got, biryarên ‘dîrokî’ girtine.” daxuyaniya kongreyê servîs kir.
Rfi
Radyoya dewleta Fransa RFI jî bi sernavê ‘PKKê kongreya xwe ya bi armanca fesîxkirinê bi ‘serketî’ pêkaniye ragihand’, daxuyaniya PKKê ragihand.
Bbc
Servîsa tirkî ya BBCê bi sernavê ‘PKKê kongreya xwe lidar xist: ‘Biryarên dîrokî girtine’” bi xwendekarên xwe re parve kir.
The Washingtong Post
The Washington Postê jî li gel daxuyaniya PKKê cih da daxuyaniya DEM Partiyê ya ‘Di rêya ber bi çareseriya demokratîk û aştiyeke birûmet de, rûpelek nû tê vekirin.” servîs kir.
Ekathimerini
Rojnameya girêdayî Yewnanistanê, ANF kir çavkaniya nûçeya xwe û Kongeya 12an a PKKê bi sernavê ‘PKKê biryarên dîrokî girt’ gihand xwênerên xwe.
Al Monîtor
Al Monîtor a girêdayî Emerîkayê Kongreya PKKê weke bersiva Banga Aştî û Civaka Demokratîk a dawîkirina şerê bi Tirkiyeyê re lidar xistiye, gihand xwendevanên xwe.
Deutsceh Welle
Malpera tirkî ya Saziya Weşanê ya Elmanyayê Seutscehe Welle, daxuyaniya kongreya PKKê bi sernavê ‘PKK: Me di kongreyê de biryarên dîrokî girtine.’ servîs kir.
L’orient-Le Jour
L’orient-Le Jour ya navenda wê Beyrûte ragihand ku PKKê bi serketî kongreya xwe lidar xistiye. Di nûçeyê de hatiye ragihandin ku kongreya piştî banga Abdullah Ocalan pêk hatî, di mijara pêvajoya aştiyê de ‘fersendeke dîrokî’ pêşkêş kiriye.
