* Welatiyan têkildarî xwe fesixkirina PKKê diyar kirin ku PKK û Rêberê Gelê Kurd Abdullah Ocalan her tiştî kir û gotin: “Divê dewlet êdî mafên kurdan nas bike û gavên şênber bavêje.”
* Cîgirê Hevserokên DEM Partiyê yê Amedê Celal Alphan ku derbarê kampanyaya partiya xwe ya ji bo vegotina pêvajoya heyî daye destpêkirin de axivî û destnîşan kir ku divê dewlet û desthilat rol û misyona xwe bilîzin û ji bo aştiyê gav bên avêtin.
* Siyasetmedar û nivîskar Fadil Bedîrhanoglû ku weke delege tev li civîna Înîsiyatîfa Yekitiya Demokratîk bû destnîşan kir ku yekitî ji her tiştî pêşdetir e û wiha got: “Em helwesta xwe bikin yek em jî dikarin weke hemû insanên dinyayê bibin xwedî mafekê û statuyekê.”
* Sazumankarên PKKê Alî Haydar Kaytan û Riza Altûn ku di demên cuda de jiyana xwe ji dest dabûn, dê di 13, 14 û 15ê Gulanê de li Tuzluçayir a Enqereyê bên bibîranîn. Di 17ê Gulanê de jî dê li Qada Seyîd Riza ya Dêrsimê bîranîn bê lidarxistin. (10.00-17.00)
* Şîna Hevserokê DEM Partiyê yê Êlihê Mustafa Mesût Tekîk a li Êlihê hatiye danîn di roja sêyemîn de berdewam dike. Dayikên Aştiyê dê serdana şînê bikin. (10,0-17.00)
