Amed – Hevserokê DBPê yê Giyadîna Agiriyê Nezîr Budak ji ber axaftina wî ya di Newroza Giyadinê de li ser googlê şaş hatibû wergerkirin, hatibû binçavkirin. Polîsan “Quntar” wekî “Komutan” wergerî tirkî kirin û Nezîr Budak binçav kirin û doz lê vekirin. Nezîr Budak piştî hat berdan got: “Ev bûyer êrişeke li ser zimanê Kurdî ye.”
Astengiyên li ser zimanê Kurdî her tim di rojevê de ne. Di 15ê Gulanê roja Cejna Zimanê Kurdî de jî astengî hene. Zimanê Kurdî tê qedexekirin. Kesên bi ku Kurdî diaxivin tên girtin. Li navçeya Giyadînê ya Agiriyê di 15ê Adarê de Newroz hat pîrozkirin. Hevserokê Partiya Heremên Demokratîk (DBP) Nezîr Budak di Newrozê de peşkeşvanî kiribû. Nezîr Budak di axaftina xwe de gotibû “Ji quntara Gilîdaxê hezar silav”. Piştî pîrozbahiya Newrozê Nezîr Budak binçav kirin. Polisan axaftina Nezîr Budak li ser googlê ji Kurdî wergerê Tirkî kirin û kirin sedema binçavkirinê. Polîsan îdea kirin ku di axaftina xwe de gotiye “Ji Fermandarê Gerila yê Çiyayê Agirî re silav” û xwestin bê girtin. Li ser vê wergera şaş, Nezîr Budak binçav kirin û li dozgeriyê hat berdan. Piştî hat berdan dadgehê doz li wî vekir. Danişîna dozê dê di 20ê Gulanê bê dîtin. Hevserokê DBPê yê Giyadînê Nezîr Budak têkildarî binçavkirin û dozavekirinê ji Ajansa Welat (AW) re axivî.
‘Bi wergera şaş şandin girtigehê
Nezîr Budak diyar kir ku ew di Newrozê de pêşkeşvan bû û got: “Ez Hevserokê DBPê yê Giyanêne me. Me îsal li Giyadînê Newroz bi ços pîroz kir. Ez jî di Newrozê de peşkeşvan bûm. Min axaftinêk kir. Min di axaftina xwe de got ‘Ji quntara Gilîdaxê hezar silav’. Piştî Newroz bi dawî bû bi şev polisan bi ser malê de girtin û ez binçav kirim. Ez birin qerekolê. Gotin ‘Me axaftina tê li ser googlê werger kiriye û te gotiye “Silav ji Fermandarê Gerila re” û te gotiye “Komutan”. Min ji wan re got min gotiye “quntar” hûn dibêjin te gotiye “Komutan” lê dîsa ji hatin ser min û gotin te gotiye “komutan” em dizanin komutan kîne. Li ser googlê gotina min werger kirin û ez binçav kirim. Min ji wan re got ev werger xelet e lê dîsa jî min di binçav kirin. Ev êrişêk ser zimanê me ye”
‘20ê Gulanê doza min heye’
Nezîr Budak da zanîn ku ew berdan lê doz li wî hat vekirin û got: “Ez rojekê di binçav de mam. Paşê min derxistin dadgehê. Li vir dadger dîsa ji min re got tê gotiyê “Komutan”. Min li vir dîsa bersiva da. Dadger ji min re got tê çima deqiqeyêk rezgirtin girtiyê. Rezgirtinê wekî suc pênasekir. Min ew jî qebûl nekir. Ez hatim berdan lê doz li min vekirin. Danişîna doza min di 20ê Gulanê de ye.”
