Koalîsyona Fîloya Azadiyê ji aliyê Îsraîlê ve hate rawestandin û rêwiyên di keştiyê de jî hatin binçavkirin. Ji partiya Fransî LFI parlamenter Rima Hassan û ji Swêdê aktîvîst Greta Thunberg jî di keştiyê de bûn.
Keştiya 1ê Hezîranê ji bo “Rakirina dorpêça Îsraîlê” bi rê ket, tevî gefa artêşa Îsraîlê jî piştî li Misirê navber da, ber bi Xezeyê ve bi rê ket.
Bi saeta GMTê li gorî daneyên dawî yên di 22.00ê de, keştî 57 km ji Xezeyê dûr bû. Piştre peywendiya bi keştiyê re qut bû.
Rêxistinê got, “Peywendiya bi Madleen re qut bû. Artêşa Îsraîlê keştî rawestand.” Rêxistinê di daxuyaniya xwe ya li ser Telegramê de diyar kir ku muretebat “ji aliyê hêzên Îsraîlê ve hate revandin.”
Li ser hesabê Xê yê Rima Hassan li ser navê wê komê daxuyaniyek hate belavkirin û wiha hate gotin: “Îsraîl li ser avên navneteweyî bi rawestandina keştiyeke alîkariya mirovî, car din hiqûqa deryayî û hiqûqa mirovî binpê dike.”
Lîderê LFIyê Jean-Luc Mélenchon bang li dewletan, Yekîtiya Ewropayê, Neteweyên Yekbûyî û hemû civaka navneteweyî kir ku van binçavkirinên derqanûnî şermezar bikin û daxwaz bikin ku muretebat demildest û bêşert û merc were berdan û got, “Ji bo alîkariya mirovî bêastengî bigihije Xezeyê zextê li Îsraîlê bikin.”
