Meclîsa Jinan a DEM Partiyê ya Manîsayê kuştina jinan şermezar kir û peyama “Jinên tên qetilkirin sedema raperîna me ne, rêxistinbûn xweparastina me ye” da.
Meclîsa Jinan a DEM Partiyê ya Manîsayê bi beşdariya gelek jinan li ber avahiya DEM Partiyê ya navçeya Golmarmarayê daxuyanî da çapemeniyê. Di daxuyaniyê de pankarta “Jinên tên qetilkirin sedema raperîna me ne, rêxistinbûn xweparastina me ye” hatin rakirin.
Li ser navê Meclîsa Jinan a DEM Partiyê ya Manîsayê Zubeyde Tarlabolen daxuyanî xwend.
Zubeyde Tarlabolen anî ziman ku pergala serdest a mêran nikare jiyana jinan biparêze û wiha got: “Êrişên li ser maf û destkeftiyên jinan ji aliyê desthilatdariya siyasî ve, rêziknameyên yasayî yên ku dixwazin jinan di malbatê de heps bikin, bi tayînkirina qeyiman tunehesibandina îradeya jinan, axaftinên Diyanetê yên li ser cil û bergên jinan û êrişên li ser bedena jinan şerê li dijî jinan e. Di serdemeke wisa hêja de ku pêvajoya aştî û civaka demokratîk tê nîqaşkirin, êrişên li ser jinan, maf û destkeftiyên jinan û pêkanîna polîtîkayên şerê taybet zirarê dide pêvajoyê.”
Daxuyanî bi berzkirina dirûşmeya “Jin jiyan azadî” bi dawî bû.
