Hikumeta veguhêz a Şamê ragihand ku hilbijartinên li Siwêda û herêmên Rêveberiya Xweser ku ne di bin kontrola wê de ne, hatine taloqkirin.
Hikumeta veguhêz a Şamê dê di navbera 15-20ê îlonê de qaşo hilbijartinên parlamentoyê anku “Meclisa Gel” li dar bixe. Komîseriya Bilind a Hilbijartinên Meclisa Gel a girêdayî hikumeta veguhêz a Şamê îro ragihand ku hilbijartin li Siwêda û herêmên Rêveberiya Xweser tên taloqkirin. Ev herêmên ku hilbijartin lê hatine taloqkirin ne di bin kontrola hikumeta veguhêz de ne û ji destpêkê ve hilbijartinan red dikin û wekî nerewa pênase dikin.
Komîteyê ku agahî dane ajansa nûçeyan a ser bi hikumetê ve, îdia kir ku li herêmên hilbijartin lê hatine taloqkirin “pirsgirêkên ewlehiyê” hene.
Li gorî çavdêran, tayînkirina ji sêyan yekê endaman ji aliyê Ehmed El Şari ve, her wiha avakirina dezgehên hilbijartinê bi rêya komîteyên pêşwext hatine hilbijartin, serdestiya desthilata rêveber xurt dike û parlamentoya siberojê ji saziyeke qanûnî ya serbixwe zêdetir dike şeklî.
