Li Cizîrê bi boneya 1ê îlonê bi tevlîbûna gelek welatiyan panela ‘Aştî û heqîqetê’ hat lidarxistin. Sebahat Tûncel di panelê de got ku divê tirk bi kurdên her çar parçeyên Kurdistanê aştiyê pêk pêş bixe.
Li navçeya Cizîrê ya Şirnexê bi pêşengiya Platforma Ked û Demokrasiyê ya Şirnex panela ‘Aştî û heqîqetê’ li eywana Şaredariya Cizîrê bi tevlibûna panelîst aktîvîsta Tevgera Jinên Azad (TJA) Sebahat Tûncel, Kordînatora Navenda Lêkolînên Sosyopolîk Yuksel Genç, rojnemevan Serdar Korûcû, pêşkêşvan Şivan Sakman û gelek welatiyan hat lidarxistin.
Aktîvîsta TJAyê Sebahat Tûncel di axaftina xwe de bal kişand ser pêvajoya Rêberê Gelê Kurd Abdullah Ocalan di 27ê sibatê dayî destpêkirin û wiha axivî; “Ji bo ku ev pêvajo nexetime divê bi hemû kurdan re aştî were pêşxistin. Li Bakuf dema aştî were axaftin û pêvajoyek were rêvebirin nabe ku li Rojava hewldana şer were kirin.”
Di panelê de Yuksel Genç û Serdar Korûcû jî li ser aştiyên li cîhanê pêk hatine axivîn û li ser pêvajoya li Tirkiyeyê jî gotin ku ji her demê bêtir pêwîstî bi aştiyê heye.
Panel bi pirs û bersivandina pirsan bi dawî bû.
