Serokê Meclîse Numan Kurtulmuş ku di dawiya civîna 12an a komîsyonê de ev tişt anî ziman: “Em ê raporeke xurt ji bo heviyên derbarê rêziknameyên qanûnî, rêziknameyên din, demokratîkbûn û serdestiya hiqûqê de pêkbînin.”
Komîsyona Demokrasî, Xwişk û Biratî û Hevgirtina Mîllî ku di çarçoveya pêvajoya Aştî û Civaka Demokratîk de li meclisê hatibû avakirin civîna xwe ya 12an li dar xist. Komîsyon di rûniştina yekem a civînê de Navenda Lêkolîna Aborî û Siyasî (SETA), Navenda Lêkolînên Civakî ya Dicleyê (DÎTAM), Lêkolîna Rawest, Navenda Lêkolînên Kurdî (KSC) û Weqfa Lêkolîn Perwerde û Çandê ya Ekopolîtîk (EKEAV) guhdar kir. Di rûniştina duyem de jî Enstîtuya Enqereyê, Navenda Lêkolînên Saha Sosyo-Siyasî (SAHAM), Weqfa Lêkolînên Polîtîkayên Aborî ya Tirkiyeyê (TEPAV)Navenda Lêkolînên Rojhilata Navîn (ORSAM) û Lêkolîn,Perwerde û Şewirmendî ya GENARê hatin guhdarîkirin.
Piştî guhdarkirinê Serokê Meclîse Numan Kurtulmuş axivî. Numan Kurtulmuş bi lêv kir ku ew di wê heviyê de ne ku di zûdetir demê de xebatên li ser taslaxa qanûnî bi raporên xurt pêşkeşî Lîjneya Giştî ya meclisê bikin û raporeke xurt ji bo hêviyên derbarê rêziknameyên qanûnî, rêziknameyên din, demokratîkbûn û serdestiya hiqûqê de pêkbînin.
Numan Kurtulmuş, destnîşan kir ku şîroveyên wekî “Yek ji hêviyên herî bingehîn ên welatiyên me yên Kurd jiholêrakirina her dudiliyek derbarê nasnameya Kurdî de ye” jî derketin holê û got: “Em dizanin ku Kurd xwedî astek pir bilind a hesta aîdiyeta Tirkiyeyê ne. Ev misogeriya me ya herî mezin e. Divê li ser avakirina pêşerojek bihêz a bi hev re ji bo Tirk, Kurd, Ereb, Êzidî, Sunnî, Şîe û Elewiyan li hemî welatên herêmê bisekinin. Em dikarin analîzên dîrokî bikin. Em di lîsteya guhdarkirinê de ber bi bi dawîbûnê diçin. Heke pêşniyarên nû hebin, em ê wan binirxînin. Lê wekî ku min got, em ê di dawiyê de van temam bikin û bi îzna Xwedê, pêşniyara xwe pêşkêşî Parlamentoyê bikin.”
Numan Kurtulmuş diyar kir ku kengî civîna hefteya bê jî diyar bibe ew ê ragihînin.
