Li Gundikê Melê çanda 300 salan ku şêniyên herêmê jê re Tamtamûk dibêjin bi tevlîbûna sedan kesan hat lidarxistin.
Li bajaroka Gundikê Melê ya Şirnexê çanda Tamtamûkê 300 sal in tê lidarxistin. Ev çand, salên berê dema şêniyên bajarokê ji koçeriyê vedigeriyan ji bo çûna ser goristanan û xwarineke bi komûn pêk dihat. Her çiqas niha li bajarokê koçerî nemabe jî şêniyên herêmê her sal pênçşema yekemîn ya meha Cotmehê vê çandê berdewam dikin. Îsal jî bi tevilbûna hevşaredarên bajarokê, rêveberên DEM Partî û DBPê yên Şirnex û sedan welatiyan çanda Tamtamûkê pêk hat.
Welatiyên serê sibê zû li dora ziyaretê hatîn cem hev bi awayekî hevpar dest bi çêkirina xwarinê kirin û çûn serdana goristanê. Piştî serdana goristanê kesên tevlî çanda Tamtanûkê bûne bi hev re li ser sifreyên xwarinê hatin gel hev.
