Meşa KESKê ya bi dirûşma “Em ê karê xwe bi paş ve bistînin” di roja seyemîn de gihîşt Mêrsînê. Hevseroka Giştî ya KESKê Ayfer Kocak diyar kir ku ji bo xwîna tu ciwanan nekeve erde, zimanê zikmakî bibe zimanê perwerdehiyê ew li ber xwe didin.
Konfederasyona Sendikaya Kedkarên Cemaweriyê (KESK) li dijî bêhiqûqiya KHKiyan bi dirûşma “Em ê karê xwe bi paş ve bistînin” di 13ê Cotmehê de ji Amedê ber bi Enqereyê ve dest bi meşê kir. Meş sê roje berdewam dike. Meşvan di roja seyemîn de ewilî çûn Edeneyê paşê ji gihîştin Mêrsînê.
Meşvan li Mêrsînê ji aliyên partiyên siyasî, saziyên civakî, nûnerên KESKê ya Mêrsînê û gelek kesan ve ji ber perava Mêrsînê bi coş hatin pêşwazîkirin. Piştî pêşwazîkirina girse heta Qada Aştiyê ya Ozgecan Aslan bi dirûşmên “Bijî berxwedana kedkaran” û “Li dijî faşîzmê mil bi mil” berz kirin. Girse dema ku hat Qada Aştiyê ya Ozgecan Aslan daxuyanî da. Daxuyanî ji aliyê Serokê TUMBEL-SENê ya şaxa Mêrsînê Mustafa Ozbay ve hat xwendin.
‘Li dijî bêhiqûqiyê çi bibe bila bibe em ê dengê xwe bilind bikin’
Mustafa Ozbay anî ziman ku desthilatdara AKPê û MHPê di roja 1ê Îlonê aştiyê ya cîhanê dest bi derxistina KHKê kir û wiha axivî: “Bi sed hezaran kes ji karê xwe hatin derxistin. Li dijî bêhiqûqiyê çi bibe bila bibe em ê dengê xwe bilind bikin. Em ê her dem berxwe bidin.”
‘Me ji bo zimanê zikmakî bibe zimanê perwerdehiyê li ber xwe da’
Paşê Hevseroka Giştî ya KESKê Ayfer Kocak axivî û diyar kir ku ew wekî KESKê ji roja yekemîn ve em sedema ji kar derxistina xwe dikin û ev tişt got: “Dema me ji kar avêtin gotin; em paqijîiyê dikin. Em jî ji wan re dibêjin; hûn kî ne ku me paqij bikin. Ji bo xwîna tu ciwanan nekeve erde, zimanê zikmakî bibe zimanê perwerdehiyê me li ber xwe da. Sûcê me jî ev bû. Piştî me ji kar avêtin her tişt xetere bû. Ji bo zarokên muxalîf nekevin kar astengî derxistin pêşiya wan. Aştî hebw dê ked jî derkeve holê.”
Piştî daxuyaniyê meşvan ber bi Enqereyê ve rê ketin.
